السلام عليكم ورحمة الله وبركاته
توني منسدحة بالصالة وامي عندي مجابلة لابها ودفترها ولابسة النظارة
مرة وحدة تذكرت سالفة الولد اللي انذبح على ايد مراهقين من سنه
وفجأة قلتلها يما
شو الاسهل
ولدج يذبح ولا ينذبح
امي وقفت كل شي وتمت تفكر صدق
وقالت
يذبح
انا استغربت اجابتها !!
اتقولي صح صعب ينذبح بس بظل اشوف ولدي بالسجن
بس انا " أنا احلام مب ماما " اشوف ان اسهلي ان ولدي ينذبح ولا يكون قاتل وهو توه بو 15 سنة
واصلا لو انذبح بيدش الجنة
مادري
هل لو كنت ام اجابتي ممكن تتغير
او ماعرف
السؤال صدق عمييييييييييق
ها يا امهات شو تتوقعون الاهون
ربي يبعد عنكم كل شر
مانبا نفاول على عيالكم ^^ بس شو تتوقعون اهون
لحظة لحظة
ماخلصت
شو الافكار الي يت في بالكم
هل تتوقعون ان في ام توقعت تمر بهالتجربة
شو سويتو عشانن تحمون عيالكم !!
يمكن ربيتيه تربية صح
لكن شفتي ربعه ؟؟
تعرفون مرات الام تطالع ربيع ولدها وقلبها يقبضها ياج هالشعور !!
لو ياج سيدة قولي لولدج لاترابعهم لو بالزور لان استوت كذا مرة
الولد في سنواته الاولى تكونين انتي مسؤوله عن تنشينط وتثبيط جينات معينة
مثل الصدق والكذب وهالخصال
وتاثرين على ولدج من يكون في بطنج مب من يطلع على الدنيا
ولازم تحمينه من الاشيا الي حوليه
هذا شي
الشي الثاني
ولدج صغير صح
لكن هل حطيتي فبالج انه ممكن يروح
هل اديتي واجبج كام
علمتيه يصلي صح
علمتيه الاخلاق الحميدة
يوم ترقدين تعرفين لو ولدج مانش امسى على طاعة ولا
ادري كلامي مب مرتب
بس انا واثقة بان الرسالة وصلت
ماأبا اجااوب لاني ماابا افاااول على عياااالي …. بسم الله عليهم
يلا بنجوووف ردود البنات
مابا اجاوب سموحة
المشاركة الأصلية كتبت بواسطة unreachabl 
ماأبا اجااوب لاني ماابا افاااول على عياااالي …. بسم الله عليهم
يلا بنجوووف ردود البنات
هي والله سؤال بالصميم
بسم الله على عيالج وعلى عيالنا كلنا ياااااااااارب
المشاركة الأصلية كتبت بواسطة ام ميرة انا مابا اجاوب سموحة
الي يريحج حبوبة
وفعلا السؤال وايد صعب مب شويه
اول شي مثل ما قلت بيكون شهيد ويدش الجنه اذا كان مظلوم واما لو يذبح معناته ما فيه رحمه بقلبه وانتزعت الرحمه والخوف من الله من قلبه والى يذبح ممكن يسوي اى شي
انا صح بحزن على ولدي بس يوم اتذكر انه مظلوم وان الله بياخذ حقه برتاح بس يوم اتذكر ان ولدي ذبح بحس بتانيب الضمير انى ما عرفت اربي ولدي وش ذنب ام الولد الى ذبحه وبيتمو الناس يدعون علي وعلى ابوها لان نحن ما عرفنا نربيه