صراحه ضاق صدري وحبيت افضفض لكم شويه عن تجربتي اللي ما اعرف متى بتخلص
انا اتعلم في معهد االامارات لتعليم السواقه مع اني الحمد الله اعرف اسوق بشهاده الجميع منهم المدربه والاهل واصلا انا اسوق حتى لو ما عندي ليسن اسير الجمعيه واي مكان بروحي
مشكلتي هاي ثالث مرة يسقطوني على اشياء تافهه في الامتحان ما ادري ليش
اول مرة اونه قالو لي خليتي مسافه صغيرة ما بين سيارة وسيارة
ثاني مرة قالو لي ليش سويتي بريك
خلاص صراحه مليت منهم ومن تعقيداتهم للامور وفي ناس ينجحوهم ومسويين مليون غلط اهني انا انقهرت وعصبت
بس شو اسوي اقدم مرة رابعه الامتحان والله نفسيتي تعبت
المشكله لازم احصل ليسن ما يستوي اسوق من غيره حتى لو اعرف بس مليت مليت وكل مرة ادفع 500 عشان اعيد مرة ثانيه + يخلون الوحده تزيد 8 حصص وبعدين يكون الامتحان يعني 15 يوم والله حرام
وانا الحينه حامل وابي اخلص قبل ما اربي وهما كل مرة يسقطوني تعبت تعبت
شو تنصحوني اسوي
الله يخليكم اشتكي عليهم او اخلي اي حد من الشرطه هو اللي يكون وياي في الامتحان عشان يشوفني ترا في ها الحل انه ضابط يركب وياي ما اعرف محتارة:1 (5):
والله يوفقج
انا اقول بوقف الحينه لين ما اربي وبعدين اسحب فايلي واقدم في معهد ثاني احسن لي