مشكلتي من تخرجت بدت معاناتي يعني ماعرف شو اسووي
ماحب يكون عندي وقت فرااغ لاني يوم اكوون فاضية مايكوون همي غير الاكل يعني من خلصت زدت حوالي 5 كيلوو ,,, خاطري اروح واظهر واحضر دورات او اسجل في نادي او اسير حتى على الاقل مجمعات حدايق بس للاسف ماعندي حد يظهر وياية ولا عندي حد يوديني اصلا ..
مشكلتنا انه المكان اللي ساكنه فيه منطقة بعييدة يعني مافي شي اي وسائل ترفييه ولا حتى يسوون لنا انشطة ولا فيه اندية وجيم وجيه …
شو اسووي بنات …..؟
انزين عدكم النت! بحر وااااااااااسع!
استغليه!
انا من النت تعلمت وااايد اشياا
تعلمت الرسم ، التصميم ، الفوتوشوب ، التصوير
المكيااج ، التسريحاات..
تعلمت انجلش وانا الحين مية مية بلبل في الانجلش!
و حاااليا اتعلم اسباني !
و ترااني مب يالسة في البيت! لااا ! انا طالبة جامعية، سنة ثاالثة هندسة!
يعني ماشالله جدولي دووومه مزحوووم لوول!
الحمدالله
يعني امم مثلا
تختمين القران كل اسبووع ..
صراااااحه ودي اقير جوووو مثلاا شاليه وله رحله اي مكان نفسيتي تعبت من بيت خخخ كله مشغولين مب متفجين الا اذا انا ولا خواتي دورنا مكان ويلسنا نحن على راسهم لين يرضون
فديتج اذا عندج افكار لا تبخلين على اختج مسكينه ههههه مثلج
إذا اهلج راضين.. خذي الليسن إذا قادرة و عقب تقدرين تقضين مشاويرج
و إذا لا.. شرات ما قالت الاخت طموح
النت ما شاء الله بحر واسع
تقدرين تتعلمين كل شي و اي شي..!!
بس لا تتنقلين بين شي و الثاني
يعني تعلمي الشي و اتقنيه عقب روحي حق اللي عقبه
شي كورسات ممكن تاخذينهم اون لاين و ممكن تحصلين شهادة
يعني انتي ابتكري اشياء تخليج متحمسة حق اليوم الثاني
سوي رياضة دام تقولين إنه وزنج زاد
مب لازم تسيرين الجيم و لا شياته
امشي حوالين بيتكم و سوي الرياضات الخفيفة عسب تتحركين
اهتمي بعمرج (ها روحه يباله جدول)
يعني اعتني ببشرتج و شعرج و جسمج بشكل عام ف البيت
و طبعا حافظي على قيام الليل و السنن
شي كتيب اسمه (أكثر من 1000 سنة ف اليوم و الليلة)
بيخليج مشغولة على طول و انا الصراحة ماشية عليه
و اختمي القران كل اسبوع فبتكون عندج 4 ختمات ف الشهر
و ابدي احفظي منه ع كثر ما تقدرين
و الله يوفقج يا رب