خواتي بغيت اسئلكم واعرف رايكم في هالنوعين من الاعراس ..
أي من هالاعراس احسن ؟؟
1- العرس بعد الخطوبة بـسنتين تقريبا .. عشان كلا الطرفين يتجهز و إلخ
2- العرس بعد الخطوبة بفترة بسيطة (تقريبا اشهر فقط) طبعا الملجة قريب العرس بفترة بسيطة
شو شعور العروس إلي تتزوج بسرعة و إلي تأخرت ؟؟ لان اعتقد الشعور يختلف …
بكمل سنة لين العرس , بس واايد أحاتي لأاني ما اعرف الريال غريب يعني
و الملجة بتم 5 شهور و أحس واايد اوكي 5 شهور مب أكثر كفاية
بس بعد ما أحس الملجة الي اسبوع أو اسبوعين تنفع
أقل شي شهرين
ما نقدر نقول ان احسن ومب احسن
لان ممكن تشوفين ملجات قصيرة وزواج فاشل وملجات تطول وزواج ينجح
وعسى ربي يوفقكم …
المشاركة الأصلية كتبت بواسطة فينيسياا 
ما نقدر نقول ان احسن ومب احسن
لان ممكن تشوفين ملجات قصيرة وزواج فاشل وملجات تطول وزواج ينجح
وعسى ربي يوفقكم …
معاج حق بس ، إلي اقصده انه لما ايكون العرس مطول ..تصير مشاكل
يعني مثلا وحدة من اهلنا كملت سنتين وهي مخطوبة …وقريب السنتين و نص ..و صارت مشاكل مالها اول من اخر ..واخر شي اتفركش كل شي ..
بعكس إلي عرسهم بسرعة ..يعني خصوصا للي تتوتر وايد من سالفة العرس اعتقد انها افضل لها اتعرس بسرعة ولا اتطول في السالفة
انا مخطوبه و جريب ان شاءالله بملج بس مجرد ما املج على طول العرس يعني تقريبا فترة 3 شهور عشان اتجهز.. و في بداية الصيف ان شاءالله بنعرس
بالعكس كلما كان العرس اقرب و اسرع كان احسن ..اصلا فترة 3 شهور كافيه انكم تتعرفون على بعض و اتخططون لمستقبلكم و حياتكم..
وخير البر عاجله..
والله يوفقج..
انا ست شهور اعتقد وما ابا ابا اقل =(