تذكرت موقف صار لي قبل ثلاث سنوات تقريبا لما كانت في آخر مراحل الثانويه
كان عندنا احتفال باليوم الوطني وطبعا كان يوم مفتوح الأمهات والاطفال يحضرون الحفل
طبعا انا كنت قاعدة ف الصف ويا ربيعاتي نسولف ونضحك عقب شفت وحدة كانت تدرس ويانا قبل متخرجة قبلنا من الثانويه سلمت عليها وقلت لها حياج الله تفضلي ( كسرت خاطري شفتها بروحها قلت خل تقعد ويانا شوي)
المهم قعدنا نسولف ساعتين تقريبا عقب قالت خل اتصل بأخوي عشان أيي ياخذني حاولت تتصل لكن الشبكة كانت مشغوله لأنه كنا داخل الصف وطبعا ماشي أرسال قلت لها هاتي المبايل رحت انا فاجة الدريشة رفعت الفون فوق عشان ألقط أرسال لها..
شوي ولا وحدة يايه تتضارب تقول ليش تصورينا ..؟
قلت لها حبيبتي ماصورتج قاعدة أحاول ألقط إرسال حق الفون ..!!
طبعا الأخت ماصدقتني ..! وربيعتها قاعدة تصيح أونه انا صورتهم..!!
ماشي شغلة أروح أصور خلق الله ..؟
وبعدين المبايل هب مالي؟ حق ربيعتي !
فوق هذا كله المبايل مافيه كاميرا ؟
قلت لها حبيبتي هذا بدون كاميرا..؟
اهي مب مصدقه..؟
رديت عليها : قلت يعني التلفون ظهرت لها كاميرا واختفت فجأه
ولا شو ………….
المهم سارت الصف عقب يات صاحبة المبايل قالت لي شسالفة
قلت لها اللي حصل ردت ماعليج منهم
عقب سرت حق البنت الصف قلت لها حبيبتي انا ماصورتج شبي فيج اصورج ؟؟
ردت وحدة من ربعها قالت لها عليج فيها أدبيها قلت لها حبيبتي انا الحمدلله مأدبه مب شراتج ..
المهم طلبت مني اييب التلفون عسب تمسح الصور رحت انا يبت تلفون البنت عطيتها أياه قعدت تدور فيه؟
تدرون شو قالت ..؟
اكيد مسحتي الصور
هههههههههههههههههههههههه
ياحرمة المبايل مافي كاميرا شقايل يصورج
المهم رحت عنها ..
وبعدين البنات هاييلا كانوا قاعدات برع صوب البوابه فاسخات الشيل
والحارس طبعا يطالعهم ودريولية الباصات يطالعونهم ..
( فاسخات الحيا )
الأول تستروا.. عقب تكلموا
المهم تمت السالفة جيييييه معلقة عاد انا نسيت الموضوع
وكل ما اطالعهم ابتسم بويهم يردون علي باحتقار
حتى لما تخرجنا من الثانويه رحنا ع الجامعة نفس المعاملة
حتى ربيعتي كانت تعرفهم تقول لي لما يشوفوني وياج مايسلمون علي واذا شافوني بروحي يسلمون قلت لها الله يسامحهم
والله حرام اانا ماسويت لهم شي عشان يردون علي باهالطريقة
الكل اللي بالمدرسة يحبوني الحمدلله اخلاقي عالية ومحترمة من قبل ربيعاتي وطبعي ماحب المشاكل والضرابة بس والله مادري شفيهم..؟
هااااااا شرايكم بنات تشوفون انا سويت شي عسب يعاملوني بهالطريقة
فوق هذا حرجوني جدام الكل كل حد عرف بسالفتي
وانا طنشت الموضوع ..
الحمدلله ظهرت من الجامعة وفتكيت من نظراتهم اللي متروسه حقد علي
دعواتكم لي الله يسعدني مع زوجي ويرزقني الذرية الصالحة
انسي الماضي حبيبتي.. الموضوع صارله 3 سنوات انسيه وقولي الله يسامحهم..
صدقيني ع كثر المشاكل اللي كانت تصير في المدرسة بعدنا نحن لها ونقول ياريت هالأيام ترجع 
ولا يهمج حد
تسلمون والله