يمكن تشوفون انها مب مشكله لكن بنظري مشكله كبيره انا ولدى الحين صف اول وعمره 5 سنوات والسنه اليايه بيكون ثانى وبيكون عمره 6 سنوات
المشكله::
مدخله ولدى طبعا مدرسه خاصه ومتندمه قد شعر راسى لو مدخلته حكومى احسن المهم ولدى اللى يعرفه حروف الهجاء الحمد لله وحروف الانجليزى مب كلها يعنى والارقام اوكى الحمد لله المشكله ما يعرف يكتب ولا يعرف يقري بتقولون لى وين المشكله عيديه اوكى انا خاطري اعيده بس المشكله ابوه رافض تماما ها الموضوع يقولى خليه يكمل ومع الايام بيعرف اقوله حرام مستواه بيكون مب مثل ربعه يقولى عادى بعديين بيعرف مووووووووووووول مب راضى يسمع لى شو الحل انا وايد مضايجنى ها الموضوع ومن غير المدرسه من البدايه بعدها ما عرفت مستواه مب هاضمتنه بالرغم انه من ا لنوع الهادى جدا برع البيت
شورو عليه شو اسوى كل ام تتمنى التفوق والنجاح والتمييز لعيالها وانا مول مب عايبنى مستواه اتمنى انه يكون احسن من جيه
بس المدرسه الخاصه احس احسن حق الأولاد لانه مدارسنا الحكومه وااايد مخلينهم على راحتهم
وانتي روحج درسيه الحروف من أول ويديد وما احس انه يحتاي مدرسه ادرسه فالبيت إلا حروف الهجاء ,, هذا الحل دام انه ابوه مب موافق انج تعيدينه
موفقه ان شاءالله
انتي بس خلج صبوره و طولي بالج عليه و ربي يوفقه ا نشاء الله و يكبر و تشوفينه متخرج من الجامعه دكتور و لا مهندس أد الدنيا لوووووووول 
الولد بعده صغير وتأسيسه سهل .. اذا انتي ما تقدرين تأسيسنه فالبيت شوفيلج معلمة ممتازة تعرف تأسس وخل تستلمه كل يوم ساعه او عشان لا يزهق كل يومين ساعه ونص
وبعدين اذا ولدج يتعلم بسرعه لا تحاتينه بيمشي ان شاء الله
والله يوفقج يارب
انتي جربي شهرين وبتشوفي النتيجه