أبي شورتكم بنات سمعوا سالفتي…..
أنا ماخذه ريلي عن حب هو من الاهل…كان حبنا مش طبيعي أبد الكل يعرف بسالفتنا
المهم كملنا الحين سنتين وعندنا بنت صغيرة خمس شهور تقريبا…السالفة يا حبايبي انا شوي رومانسية بزيادة وحساسة واااااايد..ريلي مش مثلي وها الشي متعبني وااايد..اول سنة كانت وااايد حلوة معاه حسيت صدق بحبه لي…ومن كم شهر استوت واايد مشاكل بين اهله واهلي واستوى مثل الشرخ في علاقتنا ووايد أثر في وفيه استوى بارد من ناحيتي مايسألني اذا ناقصني شي أنا لازم احن عليه..ومايسألني اذا تعبانة ولامضايقة..تخيلوا نسى عيد زواجنا ها السنة ووايد زعلت وعصبت عليه مع انه حتى تاريخ العقد كان يذكره…احسه استوى بخيل عليه بالمشاعر مع اني كلمته اكثر من مره بصراحة وشو احس بس مايتغير اذا بتغير يوم وخلاص…وصار على أي شي يعصب وااايد وينازع ويزعل لدرجة أنه مد ايده علي أكثر من مرة على اسباب سخيفة وأهلي مايدرون والله بس آخر مرة مسخها بالضرب وايد ورحت بيت اهلي وقعدت عشرة ايام زعلانة وهو من اول يوم يا يراضيني بس أنا خليته شوي وبعدين رجعت البيت…الحين أحس اني ما اعجبه مع اني من النوع الكشيخ واتلبسله في البيت احلى لبس..بس كأنه موشايفني ولا معبرني..كلمة حلوة أو مدح ما أسمع منه لو غيرت استايلي…مو في الشكل بس حتى في الطبيخ نفس الحالة أنا لوطبخت ولا الشغالة مايعبرني
أحيانا اقول خلاص مايحبنبي ماقمت أعجبه نفس أول وساعات اقول مشاكل اهله وااايد اثرت علينا يمكن لأن الله يسامحهم وايد حطوا علينا…وساعات اقول يمكن فتور في العلاقة مثل مايقولون
والله احترت وماحب العيشة بلاه ابد…ساعات يكون زين ومافية أحسن منه وايام يكون مطنشني ولا كأني حرمته..شو السالفة ماعرف..عمري ماتوقعت يصير بينا الي صار
شورن علي كيف اغيره واكسبه مرة ثانية
بعد حاولي تشغلين وقتج بأشيا ثانية..التفكير الزايد جي يسوي….
الحب له وقته..موب دايما رومانسية…و يمكن هو عنده مشاكل…ما يقولها (شي رياييل جي)
خلج غامضه لا تتكلمين وايد و دايماً كوني مبتسمه حتى لو يطنشج و لا يكلمج صبري ولا تتسرعين و تقوليله ليش و ليش و ليش
لا تسألينه شو فيك طنشيه و هو روحه اللي بيرد .. يوم تتلبسين لا تقوليله شو رايك حلو ؟ ليش ما قلتلي حلو ؟ اكيد مش عايبنك ؟
لبسي و تكشخي و لا تتريين منه رايه انتي تدرين انه هالشي حلو خلاص و هو بعد يدري اذا تميتي تتريين رايه بيقول هذي ما عندها ثقه بعمرها .. و انتي لازم تكونين واثقه بعمرج عشان تكبرين بعينه ..!
و عليج بالدعاء حبيبتي ..
الله يهديه و يسخره لج
والله يصلح ما بينكم ولا ايب بينكم زعل وفراق ياااارب ..
ويالغاليه ترى مب كل الرياييل تحصلينهم رومانسيين وعلى هواج….يوم الحرمه رومنسيه …الريال عكسها
ويوم هو رومانسي وشاعري…الحرمه ولا على بالها…صدق حظوظ.
بس لازم تكونين صابرة شوووي..
يعني اذا بتطبخين اوبتلبسين او بتسوين شي ..فكري في نفسج ..قبل
طلعي معاه اجازة من دون البيبي..خلي البيبي عند امج ..وروحو على اجازة لو لمدة قصيرة؟؟
يمكن ملل من الروتين ؟؟
والبنات ما قصرو عطووج من الكلام الزين و الحلو
بالتوفيق