شوربة العدس الأسود,,خفيفة وحلوة,,,
المقادير
كوب عدس
بصل واحد مفروم
2 حبة ماجي
نص ملعقة معجون طماط
4 ملاعق شعيرية
عصير 2 ليمون…او اكثر حسب الرغبة
ملعقة بزار..اي نوع مشكل
ربع ملعقة كركم
نص ملعقة كمون مطحون
ربع ملعقة حبوب خردل
حبات من البصل الصغير…حسب الرغبة(( انا حطيت عسب اكله روحه بعد ماينضى,,مفيد للزكام))
ماء حسب الحاجة
الطريقة..
يسلق العدس..نصف استواء
في مقلاه…نحمس بصل مفروم مع كركم وحبوب خردل
ولما يذبل نضيف البزار ومعجون الطماط والكمون وحبة وحدة ماجي وحبات البصل
نضيف مزيج البصل,,الى العدس,,,,ونزيد عليه الماء
مع اضافة شعيرية…حبة الماجي الثانية,,عصير الليمون
ونخليه يفووور…عقب على نار هادية,,ليما العدس ينضى تمام وتقدرين تضربينه بالخلاط بس ضربة وحدة,,لأن في ناس ماتحب حبات العدس تكون واضحة ويقدم
وعوافي
(( سويت عيش بالشعيرية,,كطبق جانبي حق ولدي))
(( لما يفور ربع ساعة….اتذوقوا الشوربة,,في حال حبيتي ليمون زيادة,,او سبايسي؟؟ على ذوقج))
ممكن اذا حابة..تزينين الشوربة بشرايح بصل محمس..انا مالحقت
الله يعطيج العافيه
