شندويشات جبنة حلوم بالصور,,,الطريقه سهلة

خواتي الغاليات اليوم سويت سندويشات خفيفه وسريعه
بتركم الحين ويا الطريقه

المقادير:
تقريبا 3حبات خبز لبناني كبير
1جبن حلوم المراعي
حبتين خيار مقطع شرائح طوال
حبة طماطم مقطع شرائح طوال

الطريقة::

[IMG][/IMG]

انفور الماي وعقب اتسكرين عنه النار وحطي الجبن فالماي الحار وتركي حوالي ربع ساعه

عقب ظهري من الماي وقطعي شرائح طوال
[IMG][/IMG]

سخني التاوه بدون زيت وحطي الشرائح الجبن في التاوه
[IMG][/IMG]

عقب مايحمر جلبي الجبن
[IMG][/IMG]

انجهز الخيار والطماطم
[IMG][/IMG]

عقب قطعي الخبز اربع قطع بتستوي القطعه على شكل مثلث

وحطي 3شرائح خيار وشرحتين طماطم وحبتين الجبنه المشويه
[IMG][/IMG]

عقب لفي بالورق مال السندويش وصفي فالصحن
[IMG][/IMG]

وتقدم للعشاء او للافطار
بالعافيه
[IMG][/IMG]

بالهني والعافيه
دعواتكم لي

يمييييييي

تسلم يمنااج الغاليه ..

شكرا اختي

يالله ان شفت تفاعل في موضوعي بسويلكم

افااااااااااااااااااااااااااااااااااااا شقا ما تعزمين خويتج

بالعافيه الغلا

شكله حلو و بجربه

حياج عندي باجر

حلوه الطريـــقه

عـــوافـــي على قـــلبج ^_^

وماشي أحلى عن الحلوم في الأكل

ننتظر اليديد منج

لا تحرمينا