شكلي بربي قيصري بعد هاي المره دشو عشاني حابه افضفض

مرحبا صباح الخير
شحالكم

حبيت افضفض لكم شوي من امس وانا صياح من ادنات الدون ومن اي سبب اصيح وكل هاذا لاني سرت لموعدي عند الدكتوره وقالتلي وزن البيبي صغير وراسه فوق وماي قليل وانا الحين فالثامن وسالتها شو السبب ليش ينقص عندي الماي فالثامن قالت لانه المشيمه تعبانه عندج ماتوصل الدم للجنين ونفس الكلام كان فولدي قبل وقالتلي راسه فوق ومابينزل لانه الماي ناقص وعلى طول ربيت قيصري وانا الحين خيفانه اعيد السالفه واربي قيصري موووووول مالي خاطر اربي قيصري احس تعب لاني جربت المره الاولى ولاتقولون اهون من الطبيعي انا ماجربته بس بعد القيصري في منهم ماجربوه وتعب الله كريم بس حابه اسال اذا فيه وحده قالولها نفس كلامي وانجلب الراس وربت طبيعي عشان تعطيني شوية امل ..

الغالية شربي ماي زمزم يقولون يكثر الماي وربي يسهل عليج ان شاء الله اما بالنسبة لراس الجنين فوق ليش ما تروحين لدكتورة زينب الشنار تعدله لج انا كان عندي راس البيبي فوق وهي عدلته والحمدالله ربيت طبيعي العيادة هيه مجمع الشنار دبي لو بتروحين لها الله يقومج بالسلامة

مشكووره اختي وان شاءالله بشرب وادعيلي يارب اربي طبيعي
الحمدلله على كل حال ..

اتوكلي على الله أختي

والنعم بالله ..

الله يعينج"يمكن ينزل الراس علي التاسع "ما تدرين كل شي بيد ربنا""

الغالية شربي ماي زمزم يقولون يكثر الماي وربي يسهل عليج ان شاء الله اما بالنسبة لراس الجنين فوق ليش ما تروحين لدكتورة زينب الشنار تعدله لج انا كان عندي راس البيبي فوق وهي عدلته والحمدالله ربيت طبيعي العيادة هيه مجمع الشنار دبي لو بتروحين لها الله يقومج بالسلامة

اختى انا نفس الشي بعد من اسبوع رحت عند الدكتوره زينب ورد راس الياهل فوق الحمد الله كانوا محددين لي وقت حق العمليه انا في الشهر التاسع ورجع راس البيبي انتى لا تضيعين الوقت روحي هناك بسرعه الله يسهل عليج