شقتي الي اجرت و الصدمة

سلام عليكم
ما عرفت وين احط موضوعي بس يا الله
انا انتقلت من شهرين لشقة يديدة ايجار رتبتها و اخدت فرش يديد و اتفقت انا و ريلي اننا ما نطلع غير لما نستلم بيتنا لان كل مرة كنا ننتقل تعرفون النقل متعب و مصاريف لكن المشكل ان شقتي ما تدخلها شمس تخيلو باااااااردة و الغسيل ف البلكونة يومين او ثلاث ايام و اطلعه بااااااارد و الله خاب ظني
شو تشورون علي ؟

هلا
عادي فديتج في ناس كثيرين يعانون من نفس المشكلة لاتفكرين ابدا في النقلة الا لبيتج مع مرور الوقت بترتبين امورج بالنسبة لبرودة الشقة لانة الجو بارد عليج بالدفايات ويوم بيحر الوقت بتكون برودتها عادية
اللبس غسلي اللبس وحطية فترة كافية في الهواء ترة الهدف تجفيفة وتعريضة للاشغة الي اتكون موجودة في الهواء وبعدين اكوية علشان يجف ومايكون بارد
المهم الامور الثانية في الشقة اتكون مريحة
ربي يسهل امرج

انصحج تاخذين غساله اتوماتيك تغسل وتنشفهن عدل بالبخار ويطلعن ناشفات

عادي أختي ممكن تحطين نوافذ كبيرة و عريضة من زجاج على أطراف الشقة من الخارج يعني ع البلكونه و ع دريشة المطبخ إذا كان المطبخ يطل عالجهة الثانية وبإمكانج تحطين فتحة صغيرة فوق فالسقف الغرض منه تدخل أشعة الشمس وضيفي دفايات وإذا ع الملابس الهوا يجففها

بصراحة الشمس من اهم النقاط اللي لازم ننتبه لها في اختيارنا للارض او الشقة او البيت الجديد بصفة عامة ,

لكن الظاهر انه مقابلج ابراج عالية او مباني شامخة تحول دون دخول الشمس للشقة , ويمكن انتي عاينتيها فالمساء ؟؟

ماعلينا ألحينه طبعا صعبة تغيرين و الله يبارك لج في بيتج اختي و اصبري ,

الحل : تفتحين النوافذ باكملها و تخلين الهواء النقي يدور فالبيت و هذا اهم من الشمس احيانا ,

بالنسبة للملابس موضوعها اسهل , الهواء راح ينشفها ولا تحاتين ,لنه الشمس الحارة ايضا تخلي الملابس جافة و باهتة .

حاولي تتاقلمين مع الوضع و كل يوم صبح " نفتح الدرايش و نعطي فرصة البيت يتهوى " و الامور طيبة ان شاء الله .

اشتري نشافه
احسن احس

تجفيف الملابس بالاعتماد على الهواء فقط وفي أماكن مغلقه ممكن يسبب امراض ولا تستهينين بهالشي
اشتري لج نشافه تجفف لج الملابس 100% أضمن شي