مرحبا بنات
شحالكم ؟
ان شاءالله بخيير وصحة وسهااله ..
الحمدلله عمري ما ييت استشرتكم ف شي وما استفدت ,, وانتوا مول ماتقصرون ^_^
هالمرة مشكلتي وايد متعبتني
انا فيني شعر وين منظقة الذقن صوب الرقبة
بس القهر انه يطلع مكان واحد جي على شكل دايرة وباقي الذقن شعر خفيف
يعني مثلا شعرة هالصوب وشعره هالصووب
وايلس انا كل يومين اشل بالملقط
بس خلاص تعبت وطفرت واشوفه قام يزيد ماعرف شسويبه ؟
حتى صوب الحنج تحته يعني يطلعلي
لا تقولولي ليزر ,, لان امي الحين مب طايعه تقول بعدج صغيره والليزر فيه اضرار وامراض ومادري شو ,, معني اشوف العالم كله مطيح عالليزر والحمدلله مافيهم شي لكن حريمنا منو يفهمهم
فالحل يا خيط يا حلاوة يا اي شي ثاني
انتوا خبرووني شسوي بنات
افكر اسوي حلاوة كل شهر يعني عشان ارتاح
بس لو سويت اخاف يترهل ولا يزيد
وانا عمري ما سويت حلاوة على ويهي اخاف
والسموحة منكم
انتي تشيلين بالملقط صح ؟؟
من بعد ما تخلصين حطي زيت زيتون ع المكان اللي شلتييه مباشرة وبتشووفين الفرق ان شاء الله
يربي زيت الزيتون مثل ماقالت الاخت عذالي كثار* / وان شاءالله باجي البنات يفيدونج اكثر
^_^
حاولي تفهمين امج . . واذا مول مغلقه عندها
ترا الملقط والحلاوة نفس الشي ما تفرق وبيظهرلج في نفس المده . . يا اتمين ع الملقط لين ما تكبرين شوي ^^
او مثل ما قالوا البنات عقب ما تخلصين حطي كريم مخفف لظهور الشعر =)
وبالتوفيج