بسم الله الرحمن الرحيم
السلام عليكم ورحمة الله وبركاته
اشحالكن .. صبايا … عرايس .. مدامات .. كروشات
من زمان ما نزلت مواضيع في الجمال والأناقه .. وطبعا من طول الغيبات ياب الغنايم
اليوم بخبركن وبالتفصيل الممــــــــــــــــل عن برنامجي الي بديت فيه للعناية بشعري .. والي يعيبها حياها الله تشارك وياي عشان تعم الفايده للجميع
طبعا أو شي خلنا نتذكر شو اهم المشاكل الي تعاني منها كشتنا
شعر جاف .. عادي .. دهني
متقصف .. باهت .. ضعيف .. يتساقط .. قشره .. منكوش .. صعب يتمشط
وايد اشياء غيرها
بس الحمد لله لقيت حل بسيط .. سهل.. سريع .. وغير مكلف
وخلنها في بالكن زين .. ما في يتغير او يتحسن في يوم وليله .. الصبر زين ويعطي نتايج احلى
ومن الحينه اقول الي تقول اتعايز بقولها .. اليوم كمن شعره تعابانات باجر شعرج كله يتبهدل
لازم ما نتريا لين اخر لحظه ونقول يلا بنعالج … نبا همه ونشاط
ادري انا يسوي واجد قرقر زياده ..
ندخل في صلب الموضوع
خلني اخبركن شي بسيط قبل لا أبدأ ..
انا عندي عرس شهر 1 وعشان جذيه قلت ببتدي برنامج عنايه للشعر عشان يتحسن ويطلع حلو وقت العرس ان شاء الله ..
نوعية شعري .. الحمد لله انا شعري ناعم .. لكن الشعره ظعيفه وخفيفه تتقصف بسرعه وتتشربك .. ومرات ينكش .. مع انه شعري عند الفروة دهني .. لكن الاطراف جافه
برنامج العنايه يشمل ( ورقه وقلم يلا جلدي )
شامبو مناسب لنوع الشعر
بلسم مناسب لنوع الشعر
حمام زيت يناسب طبيعة المشاكل الي يعني منها الشعر
جهاز بخار
مشط
وفوطه
بعرظلكن الصور الحينه .. لكن كل وحده لها الحريه في اختيار نوع المنتجات الي تناسبها (تذكري لازم تغيرين نوع الشامبو كل 3 شهور)
شامبو من دوف للشعر الدهني .. طبعا هذا نوع يديد ونظام علاج يديد من دوف عشان جذيه اخترته
بلسم للشعر .. وفيه نسبه من السيروم عشان ينعم الشعر وبعد يدخل ضمن نظام دوف اليديد لمعالجة الشعر
حمام زيت كريم كاب .. بخلاصة الثوم .. انا اخترته لأنه اعرف الثوم له فوايد للشعر .. ما فيه ريحه لاتحاتون
جهاز البخار .. تلاقينه عند محلات الي تبيع معدات الصالونات .. نفس جودة الجهاز الكبير ويقوم بنفس الدور .. ميزته انه خفيف وسهل التخزين واتي معاه طاقيه وتراها وايد ظروريه وسعره مناسب اظن 100 او اقل
وأخيرا مشط بأسنان ناعمه او واسعه ما تفرق
—————————————————————–
الحينه نبتدي طريقة العلاج .. وان شاء الله تحصلين على نتايج طيبه من اول استخدام
عاد انا بقولكن شو اسوي بالظبط .. وارد و اقول كل وحده على راحتها
وقت الشاور .. اول شي اغسل شعري بالشامبو .. وبعدها اشطفه زين واحط بس على الاطراف (بدون الفروة ) بلسم و اوزعه زين والف شعري واحط عليه مشبك خاص للسبوح تخلينه في الحمام (عزكم الله) .. خلي البلسم عليه وكملي الشاور تغسلي بالصابون وخلصي بتكون مرت حلو 5 دقايق على البلسم وبعدها اشطفيه ..
خلصنا من الشاور .. الحينه نشفي شعرج خفيف بالفوطه .. وبعدها هاتي كريم حمام الزيت والمشط (انا افضل استخدام القفازات حفاظا على الاظافر) شيلي من الكريم بالمشط ووزعيه على شعرج كله وبعد التوزيع مساج خفيف لا تقوين ايدج بنعومه بس مده 3-5 دقايق
لفي شعرج على بعظه بدون لا مشبك ولا شي بس ارفعيه وهو بيثبت .. لبسي الطاقيه وتراها لازم لأنه هب زين الحراره تواجه الشعر مباشره لازم يكون فيه طاقيه .. ولبسي الكاب مال البخار وحطيه على اعلى حراره .. وخليه مدة 20 دقيقه لا تكثرن وتقولن احسن لا هب احسن لأنه الشعر ما يتحمل الحراره اكثر من جذيه .. وخلال الــ 20 دقيقه اقري مجله سولف مع هلج دشي المنتدى .. تسلي
دن دن دن
خلصت الــ 20 دقيقه .. يلا قومي دشي الحمام (عزكم الله) وغسلي الكريم بالماي بس بدون شامبو .. غسليه تمام وشطفيه
وبجذيه يكون خلصنا نشفيه بالفوطه او السشوار ( لا تمشطونه وهو مبلول )
———————————-
اهم التوصيات:
الأدوات المعروضه تلاقينه متوفره في الجمعيات وكارفور
جميعها بأسعار مناسب في متناول الجميع
الي ما عندها الكاب الحراري .. ممكن تستخدم فوطة وتغسلها بماي حار تقدر تتحمله
العلاج يحتاج استمراريه
يكرر 2 الي 3 مرات في الاسبوع
———————————
النتايج:
مع الوقت بتلاحظين النعومه واللمعان ووالشعره تتغذى وتقوى
يعالج الشعر المصبوغ والمحنى بترطيبه واعادة الحيويه للشعر
شعر انسيابي هب منكوش وسهل التمشيط
يقلل التساقط والتقصف
وينقي من القشره
يعالج الشعر ويساعد على زياده الطول والكثافه
———————————
وهنيه نكون وصلنا لنهاية الموضوع وان شاء الله اكون قدرت اشرحه لكن بطريقه واضحه وسهله
واهم شي في هذي التجربه انها سهله سريعه الاستخدام والتنظيف .. والاهم مافيها روايح
اتمنى اشوف ردودكن وتفاعلكن
والي عندها اي استفسار على العام بليز عشان الكل يستفيد ما برد على الخاص
اتريا منكن دعوه صغيره
الله يوفقني في دراستي والتخرج من الجامعه .. وينولي الي في بالي عاجلا غير اجلا
الي تفكر تنقل الموضوع .. يا ليت تذكر المصدر
حياكم الله جميعا
ويزاج الله خير الله يوفقج
على فكره كانج توصفين شعري خخخخخخخخخ
بجرب هالطريقه وبقولج النتيحه
الله يوفقج فالدراسه ووكل اللي تتمنينه
اشحالج اختيه
ما شاء الله عليج
ما قصرتي ف الشرح و بالصور بعـد
طريقــتج سهله
و شعرج شرات شعري تقريبا
تسلمين الغلا
يزاج الله خير
و ان شاء الله يتحقق اللي ف بالج
لا عدمنا منج
ربي يحفظج
^_^