شحالكم يابنات؟؟؟؟
انا حدي منحبطه يابنات من الايلتس
تصدقون اختبرته 3 مرات ومايبت الدرجه المطلوبه
والله تعبت يابنات مع اني اتدرب عدل وما اكون خايفه لما ادش الاختبار
انا خريجة تربية لغة انجليزيه ولازم عشان اتوظف لازم اييب 6
بس تخيلوا يابنات اني في هال3 مرات يبت 5.5
المره الاولى اختبرت شهر ا ويبت 5.5
يبت ف السبيكنج 6.5 وف الريدنج 5 وف اللسننج 5.5 والرايتنج 5.5
والمره الثانيه اختبرت شهر 6 ويبت 5.5
يبت ف السبيكنج 6.5 وف الريدنج 5.5 وف اللسننج 5.5 وف الرايتنج 5
واخر مره اختبرت قبل رمضان ب3 ايام ويبت 5.5
يبت ف السبيكنج 5 وف الريدنج 6 واللسننج 5.5 وف الرايتنج 5.5
تعبت والله يابنات تعبت وانحبطت حيل ما اقدر اختبر مره ثانيه مب عسب الفلوس بس تعبت لاني ما اقدر اختبر مره ثانيه حاسه بإحباط لاني كل مره اتفاءل يصير العكس
شوروا علي يابنات ربي يخليكم
خلج ايمانج بربج اقوى عن جيي
اتفاؤلي حبوتي
واتدربي اكثر
وجربي بععد
لا تيآسيين
بعد هالتعب كله يوم بتيبين المطلوب بتنسينه التعب كله
ان شاء الله المرة الياية اتبشرينا ^^
و ع فكرة درجاتج وايد اوكيه ماشاء الله بس ناقصنج تيبينهم مرة وحدة
ضروري تعيدي الامتحان عشان تتوظفي
اكثري من ذكر الله و الدعاء
و ادخلي الامتحان و انتي رايقه مب مضغوطه لان الاحاله النفسيه بتأثر على ادائج
و ان شاء الله هذه المره بتاجيبي المعدل المطلوب
ربي يوفقج
يعني لو خذتيه في برتش كنسل غيري لكليه التقنيه او جامعه زايد
يمكن يكون افضل لج
انا سويت جي ويبت الدرجه المطلوبه وزود بعد ^.^