من الخوف قلت انزل موضوع احسن …
لأني محطيه موضوع ثاني كنت اسأل فيه ,, وفيه رد خوفني …
انا اعطي بنتي شاي البابونج او الشمار بين الرضعات ,,
ملعقتين مال الحليب الصناعي فــ 100 مل .. المقدار يعني خاشوقتين مال الحليب الصناعي فاهمين ؟؟
ودسعت او ما دسعت عقبه تشرق واحس انها تختنق واشلها بسرعه وتصيح صياح واسدحها ع بطنها وترتاح ..
كل مره هالحاله …
المصيبه لو ما لحقت عليها ساعات او ما لاحظت ..
وحده ردت علي ف هاك الموضوع قالتلي ياهل توفى بسبة هالشي ..
خوفتني وايد بصييييييييح ..
كيف تسوونه ؟؟ المقدار اللي اسويه صح ؟؟
يطلع فاتح ترا مب غامج …
وانا هالمره لجأت له ,, اما بنتي الاولى ما عطيتها اياه مول لأنها كانت تشرب الينسون .. اما ميره جربت اعطيها الينسون ع طول ترجعه .. ما تحبه ..
شو تنصحوني ؟؟
انا قريت انه وايد زين ويريح الاطفال .. واللي شفته ع بنتي غير جيه >_<
يمكن واااايد عليها الكمية أعطيها بس 50 مل ….لا تكثرين لها كم عمربنتج؟؟؟؟؟
أنا أعطيه لبنتي وأحيانا أحس انها طلعه كله …وثاني شيء لا تعطينلها وهي شبعانة يعني مباشرة بعد ما ترضعينها لالالا انتبهي …معدتها واايد صغيرة ما تستحمل وبعد اعطيها مرة في اليوم مب كم مرة حراااام عليج يا في الليل يا في الصبح ..اذا داومين خليه في الليل عشان ترقد مكتوب في العلبة لا تعطينها اكثر من 100 مل في اليوم اذا كانت اقل من 4 شهور
أعطيها بعد ساعتين من الرضعة يعني جي
والله يحفظ بنوتج وبنوتي يارب
اصب ماي في الرضعة لين رقم ثلاثة
و تعرفين خاشوقة الاكل الاصغيرة الي نحن ناكل منها احط بس وحدة لاناا لازم ما انكثر منة
و هذاا موصوف لي من رفيجتي الي واصفتناا لها دكتور بنتها
ربي يخليلج بنتج
ام خواي انا بنتي كانت ترجعه بس الحين لا الحمد الله بدأت تتعود عليه..وحطي له شوي سكر نبات..
وانا اعطي بنتي الرضعه يوم يكون مرن ساعتين على رضاعتهاااا..