سويت الكيراتين .

اخيرا بنات سويت فرد وعلاج الكيراتين توكلت على الله وقلت يابنت جربي وشوفي يعني هاذي مب اول مرة تحوسين في هالشعرات الي براسج
المهم رحت صالون نسمة الاليزيه في ابو ظبي وتوني رادة قلت اكتب الموضوع اول باول عشان تستفيدون لاني ادري بمعاناة الي مثلي ماندري وين نروح نسوي شعرنا في بو ظبي يعني صالون زين وشغله نظيف , الصراحه راعية الصالون انسانة حبوبة وتعاملها حلو ما شاء الله عليها
والي سوت لي الكيراتين بعد حبوبة وصبورة هذا اهم شي عشان يطلع الشغل مرتب لأن العملية طويلة يبالج وقت من اربع لين خمس ساعات ويمكن اكثر على حسب طول وكثافة الشعر ، اول يغسلونه وبعدين تنشفه تالي تحط الكيراتين ويتم في راسج مدة عقب سشوار بعدين فرد سيراميك وهذا يطووووول لانه اهم شي او اهم مرحلة
بعدين خلاص نعيما اخذي الشامبو والبلسم وعلى بيتكم وممنوع تربطينه باي شكل ولا تعرضينه للماء او الرطوبة يخترب ممنوع ينغسل لمدة اربع او خمس ايام
بعدها ينغسل وخلاص والحمد لله
اي سؤال يا حلوين؟

مبرووووووووووووك ..ههههه..

انزين الغاليه سمعت انه مب زين تستنشقيينه ولازم كماااام..؟؟!!
وبعدين يتم طول العمر جي..؟؟مايخترب..؟؟

بدور اذا شي بعد سؤاال هههه

السموحه غلااي..

شو يعني كراتين؟؟؟؟؟؟؟؟؟؟؟؟؟؟؟

مبرووك الغآليه

بكم سويتيه …………….
انتي شفتي العلبه هل هو الجلوبل كيراتين
وشو كانت ريحته

شو نوع الكيراتين اللي سويتيه وحسيتي بالفرق

ووشنو طول شعرج وبكم..

مرحبا الغالية الله يبارك فيج
ريحته مو قوية لأنه الأصلي وريحته شوكلاته لما حطوه ابد ماشميت غير ريحة الشوكلاته ولما جت تسوي السيراميك عطتني كمام
ايه يتم طول العمر وما يخترب هذا كلام الخبيرة وانا بعدي اتريا النتيجة لاني ما غسلته للحين لازمم اتم اربع او خمس ايام ولازمم خلال هالايام اروح الصالون عشان اسوي سيراميك يوم ايه ويوم لا قبل لا اغسله …….وحياج