سلطة المعكرونة مع التونة

مرحبا عزيزاتي امس سويت سلطة معكرونة مع تونه وعندج المقادير
علبة ذرة
علبة فاصوليا حمرا
علبتين تونة
كوب معكرونة اصغر حجم مفورة في ماي وبعد ما نشخلها نضيف شوي زيت زيتون عشان ما يلتصف في بعضه
زيتون اسود مقطع
حبتين طماطمة صغار
2 حبة فليفلة خضرا واذا تحبين الطبق يكون فيه الوان حلوة ممكن اتحطين فليفلة ملونة مثل الاحمر والبرتقالي والاصفر (يعني تسوين مكس)

مقادير الصوص( ثلاث ملاعق كبيرة مايونيز, ثلاث ارباع فنجان قهوة من زيت الزيتون, نقطتين خل , زعتر بري مجفف , ملح حسب الرغبة, القليل من الفلفل الاسود )

نهرس التونة شوي ونضيف الفليفلة والطماطم بعد ما نقطعها صغار ونضيف علبة الذرة وعلبة الفاصوليا الحمرا والزيتون وبعدين المعكرونة ونحط عليهم الصوص واخر شي نصبه في طبق التقديم واذا حابين نحط عليهم جبن بارمزان مبشور ويفضل اكله وهو بارد وهني وعافية عليكم