قولولي شسوي
اكو سكرتيره بدوام ريلي تبعث له ايميلات عاديه بس مره قريت لها ايميل امدلعته وطالبه منه طلب
اسلوبها مو قليل ادب بس ما له داعي تذكر اسمه بدلع
لما قلت له قال لو اهي متعوده على هالشي ولو كانت تدز ايميلات ما ترضينها جان ما حطيت لج الباسوورد
المهم انا مو شاكه بريلي بس هذي قاثتني
دازتله اليوم ايميل عادي جدا بس في توقيع witj my love
ما ادري شسوي انا غيوره بس السالفه ما تستدعي اني انفعل هالكثر
ودي احطها بلوك سندر بدون لا تحس ولا اهو يدري
اشرايكم
هالسكرتيرة يعني في مكتب ريلج ..هو مديرها والا شو ؟
اذا مديرها ..يقدر يقولها ترسله امور فقط متعلقة بالعمل وباحترام …
اما اذا مب مديرها …والمفروض ما لها علاقة مباشرة فيه حتى بالشغل ..فالمفروض تقولين لريلج يقولها بحزم واحترام ما له داعي ترسله ايميلات واذا تبغي شي يهم الشغل تكلمه في الدوام فقط
يعني شراة ما قلت لج اختي يعتمد على ردج على اسئلتي اللي فوق .. في الحالتين المفروض هو يقولها بحزم اذا بغت شي وبحدود الشغل فقططططططططط …. تكلمه باحترام وما تزيد عنه وما في داعي تدلعه …. المفروض يكون له موقف منها من البداية صراحة ….. !!!
ترى ممكن هالدلع لو في حدود الشغل يتطور لا سمح الله ..وانتى ادري شو ممكن يصير عقب …. ترى يقولون كثر الدق يفج اللحام …. يعني حتى لو واثقة بريلج … لازم يقدم افعال لهالثقة …ومب عادي سكرتيرة في العمل تدلع مدير او موظف معاهم في الدوام لاي سبب من الاسباب !!!!
خل يقطع دابر الشر من البداية ….. بترتاحين وبيرتاح هو
والله يوفقج اختي ويهدي بالج
مكاني ، زميل عمل يدز لي إيميل ويدلعني
وآخر شي يكتب لي : with my love :1 (20):
شو الراااااااااي ؟
قولي له إن في حدود للتعامل ، وواجبك ومن حقي عليك
إنك توضح لها هالحدود ، يمكن منعمية على قلبها ما تعرف حدودها
بس كلميه بهدوء أختي والله يوفقج
اصلا بنفس اللحظه اللي شفت فيه ايميلها وكتبت هالموضوع اهني كلمت ريلي بالتليفون ورد البيت لاني ما تحملت وانا طبعي نار وشرار ما اعرف اصير بارده وانطر
مسحت ايميلها وسويتها بلوك ودليت وبلوك سندر وجدامه وقالي اللي تامرين فيه بسويه
قلت له لا اتسوي شي بس احقرها وخل علاقتك رسميه فيها اكثر من الاول
والله يبعد كل بنات ابليس عن ريلي ورياييلكم
المشاركة الأصلية كتبت بواسطة Q8ia_100% 
اصلا بنفس اللحظه اللي شفت فيه ايميلها وكتبت هالموضوع اهني كلمت ريلي بالتليفون ورد البيت لاني ما تحملت وانا طبعي نار وشرار ما اعرف اصير بارده وانطر
مسحت ايميلها وسويتها بلوك ودليت وبلوك سندر وجدامه وقالي اللي تامرين فيه بسويه
قلت له لا اتسوي شي بس احقرها وخل علاقتك رسميه فيها اكثر من الاول
والله يبعد كل بنات ابليس عن ريلي ورياييلكم
آمين يا رب ..يوم الله يرزقنا الزوج الصالح
الحمدلله ياختي انه ريلج مبين عليه مب مسويلها سالفة ..بس عليها حركات جنها …. واللي سويتيه احسن شي …. وخل هي تعرف حدودها الرسمية وما تتجاوزها
والله يخليكم لبعض