ســــــــــــــــؤال للامهات ^_^

السلام عليكم اشحالكم عساكم بخير

بغيت استفسر متى تبدووون عطووون عيالكم فارليز .. او اتأكلوونهم بالاصح

انا ولدي توه دخل الثالث ؟؟ اقدر اعطيه فارليز او لا ؟؟

وثاني شي .. يبهت ولدي كلها حبوب وشعره في قشوور ؟؟

هلا الغاليه انا عندي بنوته حلوه عمرها سنه .. بديت اعطيها الفارليز في كل رضعه بس كسره صغيره او بالاصح نتفه نتفه لين ما تتعود المعده عليه . ابدي وياه شوي شوي في كل رضعه نتفه عشان يربرب اشويه وعشان اليبه بعطيج وصفه انا كنت ماخذتنها عند دكتور اطفال لاني عانيت من هالشي اول 6 شهور . حطيله مرهم اسمه ماستيلى ينباع فالصيدليات مرتين كل يوم مره الصبح ومره فليل وفي منه صابون وشامبو .. هاي افضل ماركه للاطفال والبيبات بالنسبه لباقي الماركات وفي منها زيت اشتريلي الكوليكشن كامل واستخدميه وكل يوم قبل النوم افركي جسمه كامل بزيت الزيتون وقمطيه ويوم بينش الصبح سبحيه عشان يفيده فالحركه عقب بسرعه بيمشى انشالله .,,,,

الله يخليه لج ان شاء الله
فديتج صبري عليه شوي ليكمل الاربعه
وبالنسبه للحبوب كانت بنتي نفس الشي وشعرها فيها جرات القشره اتحجها وتيح وديتها عياده الجلديه وعطاني مرهملونه اصفر بس نسيت اسمه شو والحمد الله ..
اقولج وديه العياده احسن عسب تتطمني عليه فديته

يوم بيكمل 4 شهور اكليه بس بكميات قليله

يعني ما اكله الحين .. مشكورات يالغاليات ..
وان شاء الله باخذه العياده بشووف له علاج .. مع اني رحت قبل .. قالو لي لا تاكلين فلفل مع ان ما اكل فلفل ولا شي .. يقول من الفلفل ما وصف لي اي شي .. يوم رحت التطعيم سالت الدكتوره قالت لي لا تاكلين برتقال ولا همبى ما اعرف اصدق منو والا منو

الغاليه اذا عن القشور اللي تقصيدينهن طبيعي الولد يوم ايي يحلقونه 3 مرات بالكثير لكن بالموس بالشفره عرفتي لاه ها القشره تروح ويطلع مكانها شعر انتي كم مره حلقتيه وثاني شي عن الحبوب اكيد الصابون اللي تستعملينه ما يناسبه غيره وعقب اذا ما خاز احسن تسالين دكتور اطفال

مره وحده حلقته بعد اسبوع من ولادته والصابون من عمره 5 ايام استخدمه ما صار فيه شي بس يوم كمل شهر ونص ظهرت له الحبوب