ســـــــــــــالفتي

ريلي من النوع اللي يصرف ولا يهتم اي حد يطلب منه مايقول ماعندي يعطي حتى لو ماعنده الي يكفي وبالذات هله وسالفة اهله هذي بروحها سااااااالفه طويله وعريضه وبالذات امه اللي ترفع لي صغطي

المهم من يومين طلب مني بطاقة البنك يبي يسحب منها فلوس قلت له كم تبي قال 500 وانا ماكان عندي في البوم المبلغ اللي طلبه المهم عطيته البطاقه وماقلت شي.. المهم قلت له رجع البطاقه الحين لاني بطلع وبحتاجها.. راح يسحب الفلوس وانا عندي خدمة المسجات من البنك يعني يوصلني كم سحب من البطاقة المهم وصلني المسج الاول انه سحب 500 وكان عندي احسااس انه بيسحب بعد نطرت شوي قام سحب 200 فقلت بتصل له اسأله ليش يسحب زياده قبل لياخذ زياده بعد
المهم اتصلت ورد علي ووصلني مسج ثالث وانا اكلمه قلت له ليش تسحب 700 قال من اللي قال اني اخذت 700 قلت لا والله ماوصلتني المسجات عاد هني توهق وقال ليش ماوصل المسج الثالث قلت له الا وصل وقال هذي فلووسي قلت له من وين فلووسك المهم قام يرفع صوته وماشي على سالفه اخذوهم بالصوت وعقب قالي على العموم الالف بتوصلج على نعااالي القديمه
وروحي بيت هلج ولا ترجعين مره ثانيه

عاد انا طالبتها من الله لانه صاير مرااهق هالفتره ومب مهتم في اي شي ومطنشني انا وعياله وكل همه امه وربعه واشيااااااااااااااااااااااااااااااء ترفع الضغط بس اللي قاهرني هالسالفه

والله لو قالي انا باخذ مثلا 1000 والا 2024 مب مشكله عندي
او حتى يوم كلمته وسألته ليش تاخذ زياده رد علي بأسلوب عدل نفس الاوادم كان مب مشكله
بس هذا مثل مايقول على شيينه وقوة عينه

وبعدين تبغين الصدق انا هالسالفه قهرتني ليش لان قبلها في سوالف واايد فتجمعوا كلهم مع بعض