ستايلات بنات وسيدات الامارات من تصويرنا الشخصي . . 2024 *

هلا خواتي شخباركن

هالفكرة منتشرة وايد فحبيت اضيفها فمنتدانا ..

ان كل وحدة شافت عمرها بتلبس لوك حلو لزيارة او يمعة او مناسبة خاصة

تصورلنا لبسها .. نفيد ونستفيد .. حتى لو لبس كتاكيتنا ..

اتمنى الكل يتفاعل ويحط يديده ^_^ ..

واليوم حبيت ابتدي انا بلبسي المتواضع .. يمعتنا الاسبوعية ( يوم الجمعة )

فبيت يدوه .. وطبعا هاليوم احس حزة الظهر يباله مخاوير ( ترقع لعمرها )

فكنت لابسة هالمخورة البسيطة .. التطريز على طول القطعة من ورى وجدام ..

وخواتم عندي من عرست وشغابة شانيل بس مالبستها بصراحة وسويرة مادري من وين

بعد مالبستها @@… والساعة من الصفوة .. وايد احبها .. والقباضة من الشعب اعتقد اميه شارتنا ..

عاشت العيوز ام سعود ^^

ملبووووس الهنا والعافيه فديتج

موضوع رائع بالتوفيق .. وحلوة المخورة ^^

Mo0ozi
اذا انا عيوز انتي شو تطلعين @_@ هههههههه
منورة فديتج ويلا اتريا الصور من صوبج …. *

مبدعة منورة الغالية تسلمين .. ولاتنسينا تشاركينا بلوكاتج فالموضوع …*

والله مابتصدقين انه فكرة الموضوع البارحة كانت فبالي هههههههههههه

يلاااااااااا نتريا التفاعل..

مااااااظهرت من زماااان