اشحالكم خواتي عساكم ابخير
انا عضوه يديده في المنتدي يعني بعدني ماكملت شهر معاكم وكنت متابعه المنتدى من فتره لفتره فحبيت اشارك والحمدالله شاركت
المهم خواتي ماراح اطول عليكم
انا دوم كنت حزينه وضايق صدري واحس ان مالي مكان في البيت وانا ماعندي حد في الدنيا يفهمني
ودايما اعاني من ارق في نومي يعني كنت لازم فليل انش اكثر عن مره ونومي مقطع
دخلت المنتدى وسجلت وشفت الموضوع هذا:
https://forum.uaewomen.net/showthread.php?t=388440
وقلت لهم بشارك بس مارمت اقرأ لان عندي الدوره
شاركت وهذيج ليله يعني اول ليله لي مع سورة البقرة نزلت سورة البقرة بصوت الشيخ ماهر المعيقلي وخليتها تشتغل بصوت مسموع بشكل معقول ورقدت
والله والله شاهد علي طول ليل نايمه ونشيت على الفير والله ماتعرفون كيف كان احساسي راحه كبيره والله اني كنت مرتاحه وايد ورايقه
ليله الي بعدها نفس الشي وبعد تكرر الموضوع نومي متواصل وانش الصبح وانا بالي رايق وهاديه
ليله الثالثه مادري شو ياني وماشغلت السوره ورقدت تدرون شو صار
رقادي مقطع وغير هذا نشيت من النوم مفزوعه حلمت بحلم غريب واستغفرت ربي ورقدت وبعد حلمت لكن هالمره حلمت بان حيتين مقتولات في المزرعه وانا واقفه قريب منهم ومب خايفه
علما اني اخاف من الحشرات اخاف من الحيوانات بشكل عام حتى لو شي ميت احاول اوقف ابعيد عنه
استغربت من الحلم كيف انا واقفه قريب ومب خايفه
المهم ليله الي بعدها رجعت شغلت سورة البقره في وقت نومي وخليتها تنعاد طول ليل ورجعت شرات قبل نومي متواصل وانش وانا مرتاحه
وامس بعد نفس الشي واليوم ناشه وانا بالي رايق واحلى مني مافي
تدرون قبل كنت منزله اغاني على لاب توب ثاني يوم من نزلت سورة البقرة رحت عند الاغاني الي في لاب وحذفتها كلها
وحسيت براحه لاني حذفتها تعرفون يوم تسوين شي غلط وعارفه انه غلط وتستمرين فيه بس من تقطعينه ترتاحين جي كان احساسي ارتحت وايد ارتحت
خواتي ادعو لي انا لله يثبتي ويسر لي اموري ويستر علي دنيا واخره ويجلعني واياكم من سكان الفردوس الاعلى
ربي انعم علينا بالقرآن و بالأذكار
ربي يثبتج على الدين و الهداية يااااااااارب
ميروووه
انتي سمعي وجيه استوى عيل لواتجاهدين نفسج وتقرينها شو بيستوي
بتشوفين بنفسج الراحه والطمأنينه وتحقيق المراد والشفاء بإذن الله
ياحي ياقيوم الله ايسر أمورج وايثبتج ويستر عليج دنيا واخره ويجعلنا ويجعلج من سكان الفردوس
الاعلى مع النبي صىلى الله عليه وسلم