ساعدوني ولي ريرحم والديكم . ما أعرف كيف اتصرف

السلام عليكم ورحمة الله وبركاته ،،،

حبايبي أنا وااايد كنت أقرى مشاكلكم وكنت دايما أقول في خاطري الحمدلله أن

ريلي مب جيـــه … بس انا البارحه صارت لي مشكله مع ريلي واباكم اتساعدوني

بليز لاني مب عارفه اتصرف …مشكلتي هي :

كنا سمنه على العسل ويالسين نطالع في الليل فلم فجاه يه مسج لابو عيالي

وتميت اطالع على اساس اشوف شو فيه المسج وهو يحاول ما يخليني أقرى او

أني اشوف المسج…عقب طلع ان حد من ربعه مطرش له فيديو بس ما خلاني

اشوفه ولا هو حتى شافه مسحه على طووول علشان ما اشوف الفيديو.. والله

اني شاكه اخاف اربيعه مطرشه فيدوات مب زينه …وانا متاكده اللي مطرشه

اربيعه مب حد ثاني لاني من جيرانا … المهم من البارحه وانا متغصصه

وما اكلمه زيـــن ومب عارفه شو اسوي … اطنش ولا ؟

لالا مب قادره اطنش مووول … ياربــــي

حبيبتي لتمين جيه تشككين بينج وبين ريلج

يمكن هوه ماعجبه هالفيديو ومسحه ويمكن شي تافه بعد ؟؟؟؟؟؟؟ ربج ادرى

يوم انه مافيه مشاكل بينج وبين ريلج لتحاولين انج تيبينهااا .. خليج عاديه

واتعوذي من الشيطاان ها شيطاان حاب يسوي مشاااكل ..

استغفري ربج وردي شرات قبل

…………………………………..

اختي ما شاء الله عليه لو كان يبى يشوف المسج كان طلع برى وشافه بس هو حس انه مسج بايخ على طول مسحه وهذا يدل على اخلاقه العاليه وانتي تعوذي من ابليس لانه يوسوس لك باشياء ما زينه واحمدي ربك على تصرف ريلك والله يوفقك ولا يفرق بينكم

تعوذي من الشيطان وأذكري الله

وفكري بالزين قبل الشين

يمكن مثل ما قالت الاخت انه مقطع مب حلو او جديم او ما عيبه

لا تفكرين بالأسوء على طول

والله يحفظ لج ريلج

لا تخلين الشيطان يدخل من بينكم ..

دام مسح الفيديو ولا حتى طالعه شو المشكله؟؟!!
لاتخلين المشاكل اللي تقرينها في المنتدى تأثر على حياتج الشخصيه

اذا تحسين ريلج من النوع اللي ممكن يجاوب لو سألتيه
روحي صارحيه بالموضوع وخبريه عن الضيقه اللي انتي فيها

والله بيتفهمج وسيده بيخبرج