خواتي ابا مشورتكم لاني تعبت من نفسي ومن حياتي كلها .. بديت افقد الامل شوي شوي
شو علاج الهم والضيج !!!!!!!!
ما خليت شي ما سويته تقربت من رب العالمين وااااااااااااااااايد واييد حتى سوره البقره كل يوم اسمعها و24 ساعه السماعات ف اذني وكل يوم اقرا 10 صفحات من القرأن و مداومه ع الاذكار
بين فتره وفتره اقرا سوره الانبياء وعقبها اقول دعاء يونس لا إله الا انت سبحانك كنت من الضالمين
بس مع ها هذا ماشي فايده !! صارت حياتي نكد وجحيم صرت كل يوم اشهق شهقة الموت
والله حابه اطلع من اللي انا فيه و وايد احاول لكن احس ماشي مخرج !! ودي اعيش يومي عادي شرات الناس
التفكير ذبحني ! كيف ممكن ما افكر ف مشكله صارت لي كيف اتهرب منها !!
ما اقدر اوصف حياتي كيف صارت وكيف كانت
اتمنى ارد شرات ما كنت فرفوشه ما اعرف درب الحزن واذا تضايجت ع طول اطلع اللي ف خاطري لاقرب ناسي اللي كانت تشاركني كل شي وللأسف افتقدها الحين واااااااااااااااااااايد وصرت اكتم كل شي ف داخلي وحساسه اقل شي يصيحني دموعي ما اقدر امسكها
ليتني ارد كل ايامي الحلوه 
ادعوا لي براحه البال و راحه القلب
اختي اكثري من الاستغفار فهو علااج الكرب ربي يسعدك ويهنييك
حاولي تحتكين بالناس او تشغلين نفسج بما هو مفيد
تعلمي الطبخ او الخياطه , سيري الجيم , و اخذ دورات في معهد حتى لو مب محتاجه
زوري صديقاتج و ارحامج , سيري الحديقة , او ايلسي عند البحر شوفي الطبيعه
احضري مجالس الذكر , وايد اشياء ممكن اتغير حياتج
من متى فيج هالحاله ! و ليش ما عالجتيها من البداية
و سورة البقرة لو تقرينها افضل و داومي ع الاذكار و شغلي الرقية على طول
و بأذن الله بتستوين غير و بتردين فرفوشة نفس قبل و اكثرر
شوفي شو المشكلة
اذا اجتماعية حاولي تدورين ربيعات او تاخذين دورات عشان تشوفين الناس
بس اهم شي تشوفين شو السبب
اذا تقصير في دين حاولي تواظبين على ورد يومي والاستغفار والوضوء البعد عن المنكرات
لان الانسان لازم يسعى يعني يدور حل للمشكلة ويتوكل على الله
المشاركة الأصلية كتبت بواسطة عطر 77 
حاولي تحتكين بالناس او تشغلين نفسج بما هو مفيد
تعلمي الطبخ او الخياطه , سيري الجيم , و اخذ دورات في معهد حتى لو مب محتاجه
زوري صديقاتج و ارحامج , سيري الحديقة , او ايلسي عند البحر شوفي الطبيعه
احضري مجالس الذكر , وايد اشياء ممكن اتغير حياتج
اختي اشتركت ف النادي وساعات اطلع ويا ربيعاتي وفعلا احس نفسيتي تتعدل وانسى كل همي بس من ارد البيت ع طول يرد كل شعور خايس .. صرت اكره البيت احس مكان ايب الهم وبس لكن لين متى بتم كل يوم اطلع !؟
ابا ارتاح واعيش يومي حالي حال الناس بدون ما افكر ف اي شي احس مابا افكر ب ولا شي ولا اتذكر شي غير مواعيد الصلاه واوقات استجابه الدعاء وبس