خواتي الغاليات شو مسويات ؟؟
انا مسوية خبيص..خخخخخخ
لا اسولف عساكن بخير ؟؟ المهم انا مشكلتي اني كل ما اسوي خبيصه ماتظبط عندي سواء بالطحين او بالسميد .. فياريت اللي تكون تعرف اسويها تساعدني لأني اتخبل عليها واحبها تكون غامجه أكثر عن الفاتحة ..
ساعدوني جزاكن الله خير ..
ان شاء الله الخوات ما بيقصرن
انا بسااعدج .. ^^
المقادير …
3ملل طحين رقم 2 ,,, ملة الشوربه
مله سكر ..
نصف كأس ماء ..
كأسان ماء ورد..
نصف ملعقة زعفران وينقع في ماء الورد..
كوب سمن نقي..
ونصف ملعقة هيل..
الطريقة..
نحظر الجدر ويحمر الطحين بالملعقه الخشبيه حتى يصبح لونه محمر ونضعه على جنب .. ثم نحمر السكر في جدر آخر حتى يصبح مثل العسل .. ثم نسكب فوقه نصف كأس ماء .. ونتركه حتى يغلي ويذوب السكر فيه .. ثم نسكب فوقه ماء الورد والزعفران .. ثم نسكب الطحين .. ونخلطه بالملعقه الخشبيه ويحرك حركه سريعه حتى يتمااسك .. ثم نسكب كوب السمن بشرط يكون على نار هادئه ..ثم بعد ذلك نسكب الهيل ويحرك بالملعقه جيدا .. ثم نضعه في الاناء المستحب ..
بالهناء والشفاااء …
ان شاء الله اكون قدرت اسااعدج .. وان شاء الله تعيبج اكثر ^^
*جوطيين سميد
** ثلاثة أرباع جوطي سكر ( عن لايزعلون هل الرجيم )………….
*** هيل * زعفران * قرفه بودره………….
**** الماء لكل جوطي سميد واحد ونص ماء أما طحين رقم 3 فياخذ من ثلاثة أرباع إلى جوطي كامل حسب ما يتطلب نوع الطحين ….
***** سمن 3 فنجان
الطررررررررريقه :
& حمصي السميد في جدر .. ثم ضعيه جانبا ………
&حطي السكر بروحه في جدر ثاني وخليه يذوب زين واننتبهي للنار عن لا ينحرق
أول ما يبدا يتغير لونه للغامق صبي نص كمية الماء
أضيفي الهيل والزعفران والقرفه والسمن
غطي الجدر وخليه يغلي لمدة عشر دقايق على نار هادئه
& أضيفي باقي الماء(وهذا بيقلل من حرارة المزيج ) وبسرعه أضيفي مقدار السميد دفعه واحدة وبملعقه خشبيه حركي الخليط وحاولي تبثين السميد زين ولا تخلينه يصبح لكده وحده وباستمرار البث بتحصلين على خليط مبثوث عدل .
(( بالتجربة بتعرفين أن كل نوع سميد يفرق عن الثاني حتى كمية الماء المطلوبة بتختلف
أنا أحيانا أنقص الماء .. وإذا حسيت أن الخبيصه تبا زود أصب شوية ماء حار وأنا أخلطها ))
& حطي واقي حديدي تحت الجدر ولحفيه بالألمنيوم والغطاه ، واتركيه ع نار هاديه لمدة 20 دق .. قبل ما تغرفين الخبيصه بثيها مره ثانيه .. زينيها بالنارجيل أو الفستق المطحون .. وبالعافيه …
قوطي السميد الاحمر ان بغيتي واحد والا ثنينه
بعطيك مقدار واحد وانتي عقب زيدي بكيفج
المقادير
قوطي سميد
سكر نص قوطي السميد الاحمر
ماي قوطي سميد
هيل مطحون
زعفران
سمن
واللي اتحبينه من مكسرات
الطريقة
حطي السكر عل الجدر وحركيه لين يذوبويصير لونه بني غامج او مائل للون اللي يشبه لون العسل بس انتبهي ماينحرق من يذوب السكر ويصير هاللون حطي الماي عليه وحطي الزعفران والهيل والسمن وخليه يغلي لين يختلط المكونات مع الماي وتطلع ريحته…عقب حطي السميد مره وحده وحركي بيكون قبل مثل العجينه بس عادي
تمي حركي ويكون الغاز مقصر عليه
حركيه لين العجين شوي يتابعد عن بعض لاتقولين اختربن ومادري شو ومن هالكلام لا وعقبها بعدج حطي شوي
سمن وغطي الجدر بالالمنيوم وخليه نص ساعه على نار هااااديه بالمره او اكثر من نص ساعه
وعقب افتحي الالمنيوم وحركي الخبيصه وشوفي النتايج والطعم روووووووووووعه
وبالهنا والعافية
وان شاء الله اكون فدتج
اذا سويتيه كل يوم بيطلبون منج اتسوينه
وما في اسهل منه….
———————————–
…. المقادير:
———————————–
1 كوب طحين
كوبين ونصف نيدو بودرة
نصف كوب زيت
10 أكواب ماي
2ونصف كوب سكر
هيل وزعفران حسب الرغبة
———————————-
الطريقة:
———————————
اول شي اخلطي 10 ماي + السكر
وحطيه على النار لين يسخن
واول ما يبدى يسخن
حطي في جدرثاني الطحين + النيدو + الزيت وحطي على النار
واذا حسيتي انه ناشف ممكن اتزيدين الزيت شوي
وابدي حمصيه لين يستوي لونه بني … مب وايد غامج يعني وسط …
حطي الماي الساخن على الطحين والنيدو شوي شوي … واخلطي بسرعة وديري بالج ….لأنه بيفور مثل البركان…
وابدي اخلطي وحطي شوي شوي ماي …ممكن على حسب شو اتحبين غليظ ولا خفيف …لما اتحسين بس وقفي من الماي …
وحطي عليه الهيل والزعفران …
وصحتين وعافية…
————————————————–
بصراحة انا سويتها مرة وعجبتهم أهلي وايد ..
اتمنى انج اتجربينها واذا ضبطت خبريني شو صار معاج…
انتظر الرد….والسموحة على الإطالة