تخطيطي لسفرة الصيف مخلنه ريلي عليه من ناحية الوجهه واختيار الفنادق عادي بتختار عقب ..المشكله فالوجهه ماعرفت شو اختار :
عندي فبالي الدول الي اعرف انه يحبها ومابيرفضها لان شيء منهن زرناهن انا وياه ..
الاخيار الاول : الهند
الاختيار الثاني : سيريلانكا
الاختيار الثالث : تركيا
الاختيار الرابع : جزر ماليزيه واخر شي كوالالمبور .
ممكن خيارات ثانيه لو فيه مكان حلو ويستاهل
مثلا
الصين
كوريا
الي رحتهن الهند زرنا بنجلو وميسور واوتي
تركيا زرنا اسطنبول وبورصه وترابزون.
سيريلانكا لااااااااااااااااا.
ماليزيا زرنا لنكاوي وكوالالمبور بس .
في حالة الهند بنختار اماكن ثانيه وطيران داخلي مثلا وبنختار مدينة وحدة والباقي طبيعه وخضره ..
وفي حالة تركيا نفس الشيء بنخلي اسطنبول اخر 5 ايام
وفي حالة سيريلانكا بتكون ايديده علينا وبنحط كمن وجهه ..
وفي حالة ماليزيا بنروح جزر مارحناها مثل جزر ولاية صباح ..واخر شيء كوالالمبور ..بختار كمن جزيرة تستحق الزيارة ..
منو راحت تركيا شهر 7 كيف الجو
انا رحت فشهر 9..؟؟
لشخصين بس بدون اطفال
انا وبو احمد وميمي بس رواحنا ..
ربي يوفقج ان شاء الله
من وجهة نظري سيري دولة ما رحتيها عشان تشوفون شي يديد
سريلانكا حلووه ويمدحونها
اهلي زارووها ووااااايد عايبتنهم من ناحية المناظر الطبيعية وحتى فنادقهم روووعه ونظيفه
ورحلة سعييده خيتوووو
موضوع الميزانيه مب مشكله اهم شيء الوجهه نستانس فيها
فكرت فجيه …
تسلمين حبيبتي
ونسيت اقولج الفساتين جونان
شو رايكن تاليند او الصين احلى ؟؟