بداية صلو خواتي على رسول الله ..
خواتي بغيت مساعدتكم ..
خاطري اشتري لي ساعة للعمر يعني تكون راقية وغاوية
وتكون بلونين ذهبية وفضية في نفس الوقت عشان تناسب الذهب الاصفر او الابيض او الالماس ،، وتكون فيها الماسات ..
ممكن تعطوني خبراتكم ،، محتارة ما بين ( اوميغا ، كونكورد ، شوبارد )
محد يقولي ايغنر لان كل خواتي وبنات الاهل طايحين فيها ،، فحبيت أغير،
وعن الاسعار والله ما عندي فكرة بعد موجة الغلاء كم وصلت اسعارهن ، محطية ليميت بين 10 – 30 الف
وأتريا ردودكم .. مع جزيل الشكر
اذا انتي من ابوظبي بنصحج تروحين عند مجوهرات المندوس اللي في أبوظبي مول وعندهم فرع ثاني فالمارينا وبتحصلين تقريبا كل موديلات شوبارد اللي تبدأ اسعارها من 12 الف وانتي سايره ،، وبتحصلين عندهم ماركات ثانيه حلوه،، اتمنى اكون افدتج وربي يوفقج حبوبه
ابيض مع ذهبي او مع rose gold
رولكس
حتى امايه سارت خذتلها وحده
بصرااحه افدوتني .. يبالي اسير مجوهرات المندوس واشوف شوبارد
ورولكس في المارينا مول ..