خواتي العزيزات ..
عندي سؤال لكل عازبة فوق سن الــ25
شو شعورج يوم اتشوفين وتقعدين مع بنات سواء من أهلج ومعارفج بين سن الــ 15 و الــ20
وعندهم ما شاءالله عيــال وعائلة ..
عني بصراحة أحس بالإحراج ..لاني أكبر ..
مع العلم إن عمري 27 ..
وماشاءالله بنات عمي إلي عمرها 18 وإلي عمرها 20 وعندهم عيال..
ما اعرف كيف اتصرف معاهم ..
اهتماماتهم غير عن اهتماماتي ..
صاروا حريم وسوالفهم غير..
هي مش مشكلة بالنسبة لي ..
كيف اتعامل معاهم لانه بعض الاحيان يحسسوني اني ما افهم شي مع اني اكبر عنهم بوايد ..هذا الشي يسبب لي احراج..واتضايق منهم وايد..
بس حبيت اعرف لو فيه أحد يشاركني هذا الشعور في هذا المنتدى؟
سيخفف من الضيق إلي احس به …
يمكن انا ما قد جربت الشعور هذا .. بس الزواج قسمه ونصيب ومحد يعلم وين الخير له كلنا نتمنى ان يكون لنا بيت وزوج وعيال ونكون اسرة .. بس النصيب هو الي يحدد لنا هالشي ..
لا تضايقين يالغاليه ولا تهتمين لهموضوع يمكن ربي كاتب لج شي احسن وافضل .. وانتي ما تعلمين هالشي ..
اللهم يا رب العالمين يارب المستضعفين .. اللهم لا اله الا انت سبحانك اني كنت من الضالمين ..
ادوعك ان ترزقها بالزوج الصالح الذي يكون له خير شريك بالدنيا وبالجنة وخير اب لابنائها يا واحد يا احد .. عاجلا غير اجل .
امين يا رب العالمين ..
انا عمري25 ويوم اشوف اي حرمة عندها عيالها اشفق عليها
احسها كارهه نفسها وهي تصارخ على هذا وشاله الذاني
تعب
لا تقولين انا عمري 25 وكبيرة وووو…الخ
انا مثلج بس اصغر عمري 20 وعندي صديقات وبنات من الاهل متزوجات وعندهن 1 و2
انا ادري انج تتمنين هالشي من كل قلبج وصدقيني ان شاء الله بتعرسين وبتاخذين احسن الرياييل واخيرهم
وصدقيني من تجربتي فالحياة اللي معرسات وعمرهن فوق 25 واايد سعيدات وحياتهم روعه الحمد الله لانهم كبار وقد المسؤولية ومربين عيالهم ومعلمينهم ^_^
ودي اتكلم وااايد واعبر عن هالشي وانه ما يستاهل تهتمين له واايد صدقيني هذا نصيب ومحد يعرف نصيبه
اتمنى لي ولجالتوفيق ولكل بنات المسلمين والله يرزقنا برياييل صالحين
بس لااعتراض على إرادة الله ..والحمدلله انا جذيه مرتاحة ..وواثقة انه نصيبي بيي في الوقت المناسب ..
بس كنت حابة اعرف كيف اتصرف مع هالمواقف ..وخصوصا اني ما اعرف اتعامل وايد مع قريباتي المعرسات ..
مع اني عندي ربيعات معرسات وعادي بالعكس وايد عاديات ..يمكن لانهم في نفس عمري ..ونفس تفكيري ..بس إلي اصغر و معرسات ..ما ادري كيف اشرحلكم .. يسوون عمارهم كأنهم فاهمات اكثر مني .. يضايق والله و يحرج.