سؤال. لحوامل في الشهر التاسع ؟

حبيت استفسر عن الشهر التاسع !
هل إجباري نكمل 40 أسبوع !!
أنا كل حد يقولي قبل وبعضهم يبالغون يققولون ندخل فالعاشر ! استغرب لأن فالقران والله قال الحمل 9 شهور بس فاتوقع في غلط في حساباتهم !!
المهم أنا أول ولادة لي كانت مبكرة فالأسبوع 35 أما هذا الحمل مشالله الحين جريب أخلص ال 38 ومؤل ما أحس بويع ولا شيء للأمانه ما أشرب خرابيط ؤأيد والمشي والحركة عادية ؤأيد إمشي بس ما أتعب عمري إصلن الدكتورة قالت لي من 20 _30 دقيقه بس
المهم الحين أنا سمعت أن المشي على رمل البحر مفيد فابا أروح أجرب ! وكنت أبا استفسر عن السباحة عادي نسبح في مسبح أو البحر ولا ؟
وسوري طولت عليكم :*

جربي أمشي على رملة البحر وان شاء آللـه تولدين بالسلامه ..

إنزين حر ولله.
مأدري ؤين أروح إمشي

الوحده بالتاسع مستعيله تبي تولد بسرعه الله يصبرج ويسهل عليج ولادتج المشي على رمل البحر زين

الغاليه اللي يقولن يعوشرن ما له اساس من الصحه

كلها تعتبر لخبطه حسابات لانه الدين و العلم يقول 9 شهور بس في حسابات السونار و الدوره يزيدون اسبوعين او ينقصون اسبوعين لانه الله الوحيد اللي يعلم متى تلقحت البويضه فيعطون اسبوعين زايد او ناقص اللي هو فتره التبويض

الشي الثاني مب شرط الولاده الاولى مبكره تكون الثانيه مبكره حبيبتي (^^) العلم اثبت انه اغلب الحريم اللي يولدون مبكر اول ولاده عادي ما ينزل البيبي في الحوض الا متاخر في الولاده الثانيه بس فيه استثناءات لو كانت فيه مشاكل صحيه. يعني اللي تولد مبكر بدون مشاكل بس جيه من الله عادي الولادات الثانيه تكون عاديه.

انا في بجري الحمدلله ما كان فيني مشاكل صحيه ولدت في 37 اسبوع و يومين و حملي ها من الشهر السادس عندي مشاكل و الالام و المنان و غيره و اول الثامن كان فيني طلق و عطوني مهدئات للطلق و مثبتات الحمدلله على كل حال

الحين انا في الاسبوع ال 38 و اعاني من الالم في ظهري و بطني و ريولي الحمدلله مع انه الدكاتره كانوا خايفين عليه ولاده مبكره بس لله في خلقه شوؤن صامده لين الحين

هو الحافظ و هو اللي يقول كن فيكون

متى ما كتب للبيبي ينزل بينزل و انا مب مستعيله هههه كنت خايفه اولد مبكر بس الحمدلله

اهم شي سلامتي و البيبي

ربي يحفظ الجميع يا رب و يسهل علينا كلنا

صح. كلامكم خواتي
كل شيء بائد الله متا ما أالله أراد بيني الطلق