يا مرحبا بكم يا معلماتنا الغاليات
طبعا تعالوا شوي نتشارك شي من الهموم
التدريس تعب .. و يسبب صداع الرأس و أحيانا رفع الضغط
و فوق هذا كله لو أحس إني تعبانة و متضايقة لازم أداوم و ما اخذ اجازة
لأن أهم شي
"الإلتــــــــــــــــــــــــــــــــــــــــــــ ـــــزاااااااااااام"
لأن الإلتزام يعطي المديرة طابع حلو عنج و عن التزامج و مثابرتج و تفانيج في العمل الخ الخ الخ
المهم ما علينا .. أنا بصراحة بديت اضيج شوي من المدرسة و محتاجة أغيب كم يوم
== المهم بعد ما علينا ==
حسيت إني شوي مظلومة في المدرسة
و كارفيني كراف
و مطالبة بأشيا وايد
و أصلا نصابي 24 اهئ اهئ اهئ اهئ
و واقفه ع ريلي كل ساعات الدوام ما عدا ساعه وحدة بس اللي ايلس فيها
مظلووووومة يا ناااااااااااس…
في الفترة الأخيرة لاحظت إن ظهري فعلا محتاج راحه و ألم فظيع في ظهري و ريلي
و أتوقع إني بس محتاجة راحه
عسب جيه قررت أغيب باجر بإذن الله تعالى
== المهم بعد ما علينا ==
انيي للموضوع المهم ..
كم يوم مسموح للمعلمة تغيب طول الفصل الدراسي ؟ و السنة الدراسية؟
و بعد ….
ياليت لو تشاركونا عزيزاتي
كم يوم غايبات من أول السنة ؟؟
و أنتظر الردود
عسى الله يعطيج الصحة والعافيه
يمكن انتي تطلبين من المعلمات الرد ولكن عيبني موضوعج واااااايد
من موضوعج حسيت انج تمتلكين شخصية قويه ومثابره عندها روح التحدي لكن
مثل شخصيتج لا ولا ولا تتحدين التعب ولا تتحدين المرض إلا بالدواء والإرادة القويه
لا أعلم ولكن ربما أنت أم و عندك مسؤووووووليه كبيره لدك ضغط كبير فعليك بشحن قوتك
عسى الله ايعافيج
و الحقي غيبي لان في ابريل يلغون الغياب العرضي
يعني هالست ايام يسمونها عرضي و خلال شهر ابريل تنلغي يعني في ابريل اذا غبتي بينخصم منج
عن نفسي غبت لين الحين 5 ايام و باقلي يوم واحد بغيبه شهر 3
انا مسويتلي برنامج كل شهر اغيب يوم …..اخذه نقاهه و ترفيه عن النفس
الصراحه الواحد يبا يريح شوي و في هاليوم اسير صالون اسوي مساج و ادلع نفسي
و اليوم لي عقبه اداوم مرتاحه و نشييييييطه
رهمية أبا أسالج
كيف يعني مسموح لي 6 أيام أغيب ؟!
يعني عادي اغيب عرضي بدون ما أييب عذر و لاكيف ؟
و لو عادي … كيف أعرف لو حسبوه عرضي و لو خصموا مني؟
وهذا كلامى من واقع خبره اداريه مسبقه مثلا ( لو عندى مدرسه تشتغل وتكرف مسكينه وتتأخر وعليها الانشطه ليش انا فى المقابل ما اتعامل معها بنفس الاسلوب يعنى اذا غطت ايام العرضى يمكن احسبلها اسباب اخرى يعنى اجمع كم ساعه اتأخرت واشتغلت خارج نطاق الشرح الصفى وبالتالى اضع هذه الساعات فى رصيدها هذه طريقتى لانى احب العداله فى التعامل ) ما ادرى فهمتوا قصدى يا معلمات يا ورثة الانبياء والله يعينكم ومأجورات عزيزاتى على عملكم
بس أختي أبي أستفسر ,..
الغياب العرضي .. ما يخصمون من الراتب ؟ و لا لازم أاييب عذر طبي ؟
بليز أفيديني هذي أول سنة لي و أبي اعرف