كيف حالكم ..
أنا اختي حامل في نهاية الشهر الثاني و وصفت لها الدكتورة تحاميل لتثبيت الحمل cyclogest 200 بس مدري الحروف صح والا لا لان خط الدكتورة مو مفهوم ابداً ..
من استخدمت هذي التحاميل ؟؟ ويا ريت تشرح لنا شلون يستخدمونها لو تكرمتوا .. هذا اول حمل حق أختي وما تعرف شي والدكتورة ما شرحت لها بالتفصيل .. واذ فيها شي شرحوا لنا في الخاص ..
والسموحه..
ان شالله يفيدنج الخوااات
ننتظر اللي عندهم فكرة..
والله اختي ما عندي فكرة أنا كنت آخذ ابر تثبيت..
هذي التحاميل معروفه لتثبيت الحمل وتستمرين تاخذينها للشهر الثالث من الحمل او على حسب وصف الدكتوره
وغالبا يكون معاها عود بلاستيك عشان يسهل عليج انج تدخلينه في الرحم …وطريقة العود مثل الابره…تحطين حبة التحميله في رأس العود وتدخلينه بشويييش في الرحم وبعدين تضغطين أسفل العود عشان تفكين الحبه منه …وبس تطلعين العود
واذا ما كان معاه هالعود…..تدخلين الحبه في الرحم باصبعك طبعا بعد غسل اليد جيدا…
ويفضل انج تنامين على ظهرك مدة ساعه بعد وضعها…
وهذي معلومات عن التحاميل
CYCLOGEST® 200 mg
هى تحاميل تحتوى على هرمون يشبة هرمون البروجسترون الطبيعى… و البروجسترون ضروري جدا للحمل وتثبيته لانه يزيد من سمك بطانة الرحم بالمعدل المسموح لانغراس البويضة الملقحة ونمو الجنين وتكوين الرابط بينه وبين الام عن طريق نمو المشيمة وحتى الشهر الخامس تبدا بعدها المشيمة بافراز كميات محترمة من هرمون البروجسترون اى ان البروجسترون مهم لصيانة الحمل بينما يمنع نزول الدورة ويمنع من حدوث التقلصات الرحمية .