السلام عليكم ورحمة الله وبركاته
حبايبي كنت بتخبركم عن اكله كلتها وانا وصغيرة ودايما اشتهيها
الله يسلمكم جارتنا القطرية كانت دوم تطرش لنا في رمضان
شي مثل اللقيمات عليه صلصة روب وتزينة بالبقدونس واتوقع لون العجينة أصفر
عاد ماادري هل كانت عجينة النخي (الحمص) ولا تضيف له كركم
ما اعرف شي عن الاكله بس فخااااااااااااااااااطي فيها وايد
والله مزتها للحينه فلساني 
اللي تعرف عنه شي خبروني بلييييييييييييييييييييييز
والله ما أدري فديتج
إن شاء الله البنات يفيدونج
مرحبا اختيه أعتقد انها باكورة هندية بالروب…اللي أعرفه اشتري باكورة جاهزه أو سويها فالبيت بعدين فتاوه حطي حبوب هنديه ما اعرف شو اسمها مثل السنوت أوكمون حب مع ورق هتدي وفلفل أسود حب وجرفه حب مع شوية زبده وشيطيه وفلفل أخضر حار….وبعدين يبي روب 3 علب وخلطيهن كبل وحطيه مع الباقي وعلى نار هاديه…واذا بغيتي حطي فكوب ماي و2 ملعقة نشا وذوبيه بالملعقه قبل ما اتحطينه على النار وحطيه فوقه وشوية ملح وفلفل أسود حتى يغلي وبعدين حطي الباكوره…ورشي عليه نعناع مطحون أو كزبرة مطحونه….وان شالله اتكون هيه الأكله….
والله ما أدري فديتج
إن شاء الله البنات يفيدونج
فديت عمرج ما يصير خاطرج الا طيب ان شالله انزل البيت اليوم واشوف الوالده واخليها تسوي لج البكورة الهندية بالروب واصور لج الخطوات عشان تسوينها بالبيت
وبالعافيه عليج مقدما
وبالعافيه عليج مقدما
مممممممممم مثل اللقيمات ولا مثل خبز البوري
لاني ماكله من مطعم هندي شرات خبز البوري.. في الشارجه واسم المطعم اوتام.. تقريبا مقابل محل موهنس
معقووووووووووووووووولة
احنا نسوي الباكورة ناشفة مثل الفلافل بدون الروب
مشكورات خواتي ما قصرتن
وجواكم الله خير