الله يسلمكم انا بين الرضعات اعطي بنتي شاي البابونج او شاي الشمار من ميلوبا ..
دسعت او ما دسعت عقب بفتره تشرق وما تروم تتنفس جنها تختنق ونشلها بسرعه ونسدحها ع بطنها واتم تصيح …
للعلم اعطيها خاشوقتين فــ 100 مل ..
ما ادري شو سالفتها ؟!! بس يوم اعطيها هالاشياء !!
شو رايكم ؟؟
السؤال الثاني …
كيف اسوي منقوع التمر ؟؟
وشو ممكن اعطيها ف هالسن ؟؟؟ انا بنتي الاولى يوم كملت الثلاث ودشت الاربع قمت اعطيها الفارليز والكسترد بدون حليب طبعا .. يوم جيه ويوم جيه ..
أنا كنت أسويه حق عيالي لين 3 شهور وخفف عشان ما يشرقهم يقولون مب زين (وانا اعرف وحده بسم الله على بنتج ولدها توفى بسبب الشاي وكان عمره شهرين )
اما سؤالج الثاني أنا اعطي عيالي اكل في الشهر الخامس
عصير تفاح وكمثرى، وميلوبا لنه خفيف على معدة في هذا الشهر وروب فواكه وروب العادي بملأعق قليله عشان يتعود تدريجيا
وان شاء الله البنات يفيدونج أكثر
نا اسويلها اياه خفيف ,, ما يكون غامج ..
احط خاشوقتين مال الحليب فــ 100 مل ,, صح جيه ولا وايد ؟؟
شكلي ما بعطيها اياه موووول ,, خفت .. فديت بنتي ..
orphan .. تسلمين ع الرد الغاليه ..
يوم بتدش الاربع شهور شوي ببدا وياها ,, لأنه بعض اليهال إذا اخرتي ف الاكل ما ياكلون شي بعدين ..
وبنتي الاولى عطيتها يوم كملت الاربع شهور الحمد لله ما صارلها شي ..
بس خاشوقه وحده مالت الحلييب لانها اتساوي ملعقتين من الصغار
انا ما جربت اعطي عيالي هالاشياء بروحي اسوي لهم
يوم اعطيه رضعه نعناع ويا سكر نبات
ويوم مريسه اللي هيه منقوع التمر
ويوم نعناع ومثيبه ويا سكر نبات
مثلا الصبح اعطيه مريسه
والمسى نعناع او مثيبه ويا نعناع وكنت اصب اشوي في المرضعه ماي غريب يوم كبر احط سكر نبات
وهذي طريقه المريسه اللي دايما اسويها
خذي سحه واعصديها زين وحطيها في كوب وصبي عليها شوي ماي واهرسيها بالخاشوقه او بأيدج
عقب اشخليها وصبيها في المرضعه وزيدي عليها اشوي ماي حار عشان اتكون دافيه
وبالنسبه عن الشرقه اكيد بنتج فيها غازات فركي بطنها بشوي من مكافح الارياح قبل لا ترقد
هلا ام الشيخ سعيد … انا اول مره استخدم هالاشياء ,, ميراني فديتها ما تقبلت الينسون من تشربه ترجعه ,, وعقب عمتي سوتلها خلطة اعشاب بعد نفس الشي من تشربها ترجعها ..
علشان جيه قلت بجرب ,, واشوف الامهات يمدحنها ..
ومشكوره ع طريقة المريسه .. ما قصرتي …