ابا مشورتكم ..
خواتي .. أنا ملجت والحمدلله من شخص يقربلي من بعيد بس من دولة خليجية ما كنت موافقة عليه بس الوالد شاف فيه الاخلاق والادب ووافقت بعد الاستخارة طبعا والحمدلله الف مررة لك الحمد يارب اني تزوجت هالانسان لان شفت فيه شي عمري ماشفته ف حد من طيبة وحنية ولله الحمد مرتاحة ومتهنيه واشكر ربي ..
الشي اللي ما أسميه مشكلة لان مافي شي اسمه مشكلة عند رب العالمين تتدبر الامور بقدرته وبفضله والحمدلله .. ريلي يابنات ميزانيته محدوده للعرس يعني مايقدر يسوي عرس فخخم وانا طبعا ماطلبت هالشي منه وقنوعة بكل شي بس ان وراه بيت ف المنطقة اللي بنسكن فيها بحكم شغله والقسم اللي ف بيت اهله ومصاريف العرس .. يعني ميزانيته محدوده والعرس بيكون بسيط وانا راضية وما اعترضت وقلت بوقف مع ريلي ومابتشرط ابدا وعسى ربي يعوظنا بشي احسن والمهم الله ايسرلنا ونكون ف بيت واحد ومستانسين وبس..
والحين يقولي ان بنسوي العرس مش ف منطقتكم بنسويه ف منطقة ثانية ف بلادهم بس قريبة منا بعد .. انا والله يابنات عادي عندي قلتلكم اهم شي نكون مرتاحين .. قال لان السعر اللي لقاه ف هالمكان ارخص بوايد ومناسب له .. بس انا اتمنى يكون قريب لاهلي وف منطقتي وبلادي هذا اقل تمنيته صح تنازلت ان عرسي يكون بسيط بس اباه هنيه ف نفس الوقت مابا اضغط عليه واباه يكون مرتاح ومايسوي شي فوق طاقته لاني افكر ف حياتنا عقب العرس ومابا تكون عندنا ديون وننضغط ..
الحين انا عادي بوافق على اللي يباه لان اعرفه مايقصر فيني ف كل شي ويستاهل كل خير بس اقول كنت اتمنى عرسي هنيه ومثل كل البنات وبعدين مش الكل اقدر اعزمه ويقدر يروح هناك .. صح اللي يحبني بييني لين عندي بس شو رايكم .؟
(للعلم انا عمري 24 وايد اهلي مدلعيني بس من خذت هالريال تغيرت لان علمني السعادة من نواحي ثانية وشفت شي عمري ماشفته ف دنيتي كلها عشان جيه ماقمت اهتم بالشكليات وايد كثر ما اطلب ربي يجمعني فيه على خير ويسعدنا ويوفقنا وبس وكلام الناس صرت ما اهتم فيه ابدا )
اتريا ردودكم والسمموحه
الناس اييون العرس يطمشون ويتوكلون,,
ودام انج راضييه توكلي ع الله ورربي يوفقج
وافقي زوجك و افرحي من قلبك
اهم شي سعادتك يا غاليه،،
ربي يهنيك ، صدقيني اجمل ما في الدنيا انك
تلقي نصك التاني الي يحبك ويخاف ربي فيك ،
اعديلي بالزوج الصالح عاجلا غير اجل ،
والف الف مبروك عليك ياااااااااااااااارب
والله يرزقكم كل خير ياررب
وافقي زوجك