زوجي . والماجستير

السلام عليكم ورحمة الله وبركاته

صار لي متزوجه 4 شهور..

وللعلم أنا ملجت شهر 12.. وتخرجت شهر 2 وخذيت البكالريوس.. وقدمت استقالتي شهر 3

يعني كنت ادرس وأشتغل

زوجي كان يقول لي أيام الملجه.. لاااااااااااحقه عالدراسه والشغل..

واللحين يقول لي .. مستحييييييييييييل دراسه وشغل

قاعده في الشقه بروحي..

عنده دوام الصبح.. ويقضي أشغال خاصه بأبوه في المساء..

يعني يكون فاضي بس في الويكند.. ومرااااااااات نطلع ومرات لأ..

وإذا يكون في البيت وفاضي.. ينام وبس

ملييييييييييييييييييييييييييييييييييييت.. ذبحني الملل

جربت كل شي.. أشغال يدويه… زيارات لأهلي ولأهله.. النت.. التلفزيون..

بس ما لقيت شي يشبع رغبتي للدراسه.. خااااااااااااااطري آخذ الماجستير..
وخااااااااااااطري أرجع أداوم..

حاليا الحياة الزوجيه بينا مب مستقره بسبب هالموضوع..

هو مب راضي يوافق .. وأنا تعبت من الفراغ اللي بيجيب لي الاكتئاب

محتاجه لمشورتكن..

اختي كلميه وفهميه انج ملانه .. وانه موضوع دراستج ماراح ياثر عليكم
ومب لازم تاخذين الماجستير في فترة قصيرة .. في اكثر عن جامعه تقدرين تحصلين الماستر حسب ظروفج..
وشوفي منو يقدر يسوي لج واسطه فهالموضوع من الاهل
وعليج بالدعاء انه ريلج يرضى و يقتنع..
و ان شاء الله يوافق ريلج عن طيب خاطره
والسموحه

الله يسمع منج..

أبوي حاليا" مسافر.. وأبوي هو أول واحد يشجعني أكمل دراستي

لما يرجع بكلمه..

الله يعينج ويهدي ريلج

انا فدييييييييييييييتج نفس حالتج بس انا مالجة وريلي يدرس ماجستيير بس بالبداية قلتله مابي الدراسة تاخذك عني لاني من النوع الي يمل ,…بس هو ما يقصر فديييييييييته طالع من المحاظرة يرمسني داخل يرمسني …

حبيبتي رمسي ابوج لانه الريال يسمع رمست عمه اكثر …

انا عورني راسي معاه

نفس البر ابلم

الله يعينا غناتي

افتحي له الموضوع في وقت يكون رايق ومفرفش، وادخلي له من مدخل يحبه، ترى ساعات الأسلوب والتوقيت ممكن ينفر الريال.