حابة افتح قلبي الكم اذا ممكن تستحملوني
تعبت من هالحياه اللى كل يوم عن يوم بتزيد سوء
وكل يوم بيوم ادعي ربي يسترها علينا ويرزقنا ويفرجها على زوجي وعلى كل المسلمين
واقد اعيش اولادي والبيلهم مطالبهم
المشكلة انو انا الحمدالله راضية وصابرة على وضعنا
لساتني بدرس بالجامعة ومتزوجة وعندي 3 اطفال
كنا ساكنين بشقة وبعد ما صار زوجي عاطل عن العمل بسبب اغلاق المحل اللى كان يشتغل فيه
وبعد ما اشتغل عدة شغلات
طلعنا وسكنا عند حماتي وحمايا ببيتهم الصغير
والحمدالله الامور شوية شوية بتمشي
و حماتي وحمايا راضيين وانا قايمه فيهم وبكل شغل بيتهم وبضيوفهم وكل هذا وانا مبسوطة
بس اللى قاهرني بس تيجي كنتها لعمتي بتقعد وبتحكي انا ساويت في بيتي واشتريت لبيتي وعملت في مطبخي كذا وتقعد تحكيلي انو انا حساوي هيك ولسه حساوي كذا
اول ما كانت تحكيلي صدقوني كنت احكيلها لازم تجيبي هيك وتسوي هيك وكنت فرحانه لالها
وعمري ما زعلت منها بس المشكله انها صارت تزودها يعني صارت عايده الموضوع عليا وقدام حماتي من شان تفرجي نفسها وتبين انو هيا شاطرة وانو انا وزوجي مش نافعين
قلت يلا شوية وتروح ولانو بيتها جنب بيت عمتي كل شوية جايه وتمدح في نفسها وبزوجها
مع انو زوجها موظف وبيشتغل وهيا طلعلها عقد عمل لمدة سنة والله رازقهم
والله ويشهد عليا ربي انو انا مش حسداهم بس هيا زودتها لا مرعياني ولا عملالي حساب
وبتيجي اخت زوجي وبتقعد تحكيلي انك انت لساتك بالجامعة الك 6 سنوات بالجامعة شوفي سلفتك ما اشطرها وكانها مش عارفه وضع زوجي يعني ولا بتستهبل …………حسبي الله ونعم الوكيل
وحماتي بتشكر فيهم وبتمدحها مع انهم ما بيعطوها اي مبلغ الا بعد ما تطلب وتجبرهم يعطوها واحيا بيعطوها واحيانا بيغيبوا عنها من شان تنسى
وزوجي لو اي شغله تطلعلوا بيعطيها ومن غير ما تطلب
وحماتي مع هيك صارت تحسسني انو انا مش قادرة افتش على عمل وساعد زوجي مع اني والله حاولت وما طلع بيدي لانو لسه ما خلصت جامعة وحاولت اشتغل شغل بيتي وابيعهم على الناس اللى عنا بحارتنا بس الناس صارت تتعامل مع المحلات
وعلى فكرة زوجي مع شهادة في الطب
بس الاوضاع عنا بغزة ما بتسمح انو يتوظف بهالاوقات او لانو ما لو واسطه راحت عليه
وما لي غير ربي ادعيلوا
والله يفرجها على زوجي
ويرزقنا من اوسع ابوابه بالهشهر الفضيل
كيف اتعامل مع زوجة سلفي كيف افهمها تحس فيا
كيف احكي مع حماتي
انا قاعدة ببيتهم وهذا اللى كاسر رقبتي
امانة اللى عندها حل لمشكلتي تساعدني
او تساعدني وتدعيلي
وجزاكم الله كل خير
موفقه يا رب
انتيَ همجَ زوجج وعيالجَ ..
لا تفكرينَ غنآتي بحدَ غيرهمَ ..
اصبريَ والله بيعطيجَ على قدَ صبررجَ آجررَ بإذنه تعالىَ ..
واذا زادت في الكلام وفي المدح
قومي من عندها واعملي لك اي شغله بالبيت
ولا تتحسرين ع كلامها
ولا تاخذين بخاطرك
خليك عندك امل انك بكرة تتخرجي وتتوظفي وربي بيفتحها عليك وع زوجك
ويكون وضعكم احسن عنهم كلهم
المشاركة الأصلية كتبت بواسطة @مبدعه@ 
موفقه يا رب
يسلموا اختي
صدقيني الوقت هذا بالذات وبهالزن بيخلي الانسان مضايق وقرفان
ان شاء الله نقدر نصبر ونزيد بهيك حسنات
المشاركة الأصلية كتبت بواسطة غامضة انتيَ همجَ زوجج وعيالجَ ..
لا تفكرينَ غنآتي بحدَ غيرهمَ ..
اصبريَ والله بيعطيجَ على قدَ صبررجَ آجررَ بإذنه تعالىَ ..
ان شاء الله
واولادي وزوجي على عيني
واولادي والحمدالله راضيين وكل كلمة بحكيلهم ياها بيسمعوها
بس صدقيني للصبر حدود
يعني بخاف يوم ما امسك اعصابي واطلع كل اللى بقلبي
وساعتها يمكن ما نلاقي لنا مكان بالبيت
بس دائما بقول
الله كريم
مشكورة اختي على ردك
المشاركة الأصلية كتبت بواسطة عالية الغالية واذا زادت في الكلام وفي المدح
قومي من عندها واعملي لك اي شغله بالبيت
ولا تتحسرين ع كلامها
ولا تاخذين بخاطرك
خليك عندك امل انك بكرة تتخرجي وتتوظفي وربي بيفتحها عليك وع زوجك
ويكون وضعكم احسن عنهم كلهم
الله يحفظك اختي الكريمة
ان شاء الله اقدر اخلص جامعة والقى وظيفة امين يارب العالمين
وزوجي كمان يتوظف
ونقدر نسكن ببيتنا
امانة تدعولي
والله الواحد صار يحلم وهو صاحي