زواج بالسر!!!!!!!!!!!!! الجزء الثاني

قالت أنا سافرت عند أبوي هروبا منه , لأني ما راح اقدر أتفاهم معا لأنه خلاص نوى يعرس
وخطب وسوى العرس ولحد الحين ما اعرف شي عن حياته الجديدة ولا شي عن زوجته وكيف عرفها
وين شافها ( طبعا خاطري اعرف لكن مستحيل اسئله عشان ما يعورني قلبي أكثر كفاية يوم شفته على الكوشة ) أنا سافرت عشان ما ابغي يشوفني حزينة وضعيفة بقرار زواجه .
وتقول إلى متى راح اهرب من الواقع وقررت أتم في بيتي وامثل جدام عيالي دور الأم و الزوجة المثالية عشان يكبرن عيالي حالهم حال غيرهم خاصة هم ثلاث أولاد وصعب الأم تربيهم بدون ريال .

أما أنا الجرح اللي فيني محد راح يداويه إلا رب العالمين والحمد لله إيماني قوي بربي وهو شاهد إني ما قصرت بشي وان شاء الله تثبت له الأيام قيمتي وحبي له . وكل ليلة ادعي ربي انه ينسني هذا الشي الدنيوي . خاصة يوم بشوفه يروح يبات عندها ………………..

ويوم رجعت أم سعود من السفر طبعا تقول توقعت انه راح يكون بالمطار معني ما رمسته طول ما أنا كنت بتايلاند إلا بمسجات محدودة , بس اللي اعرفه انه كل يومين يتصل للوالد والى اخوي يطمن عليهم وعرف برجعتنا بتكون متى .

وفي المطار لمحته واقف من بعيد مع اخوي وزوج أختي والله يعلم إني فرحت في شوفت ,بس كنت خايفة كيف بتعامل معاه في بيت واحد لأني أحس بيكون غريب علي من بعد اللي صار , وتقول خليت عيالي عند الوالدة ودخلت اقرب حمام الله يعزكم في المطار وبكيت من خاطري كأنه اليوم الأول من زواجه , واتصلت أمي محتشره علي عشان أولادي رقدوا على الكراسي من التعب وطلعت بسرعة
من الحمام ولا كنا صاير شي .

وأول ما ركبت السيارة في باركنات المطار , جسمي يرتجف من الخوف حضني ودموعه في عيونه تقول أول مرة أشوفه يصيح وخليت عمري عادي يعني مش مهتمة وأنا أقول في خاطري
( صيح لأنك خليتني أصيح دم من زواجك ) بس إن شاء الله راح ينكشف كل شي في وقته .

وخلال الدرب طلب مني أسامحه وأعطيه فرصة عشان يثبت لي انه يحبي وزواجه كان غلطة
واني ((((الزوجة الوحيدة في حياته )))) تقول بطلت عيني وفي خاطري يشرح لي هذه العبارة:

(( كيف أنا الوحيدة وأنت توك معرس يديد وأنا حاضرة عرسك )) , تقول قطعته بكل برود ودلع وابتسامة وطلبت انه يعطني فرصة أنا بعد عشان أعيش معاه وأسامحه ووافق بدون نقاش ورد سألني كم المدة اللي تبغيها ؟ قلته لين تنتهي((( فترة حملي واربي بالسلامة )) طبعا أنا كنت حامل قبل السفر هو ما كان يعرف إنها حامل وفرح وايد بالحمل كأنه أول حمل لي . وقلت له اني متنازلة برضاي عن حقوقي كلها وقالت في حالة إني ما قدرت إني أتحمل العيشة راح انسحب من حياتك بدون مشاكل لان صحتي أهم شي عندي .
قال لها سامحني يا أم سعود لأني ماراح أخليك تنسحبي من حياتي لان حياتي أنت وماراح اظلم حياتي
واللي سويته فيك راح يتصلح ويتغير والحمد لله رجع لي عقلي وما راح أفرط فيك ويرد علي أنا معاك لين أموت (( تقول الكلام حلو بس الثقة فيه خانتني )) .
وتقول أم سعود دخل البيت أشياء تغيرت فيه طبعا للأحلى .. وكل ما يقرب مني ابتعد عنه بدلع وود
عشان يحس باللي سواه , طبعا هو فهم المقصود ويقول مش مشكلة عندي , المهم أنت عندي ومع
الأيام راح تتغيري لأني بخليك تسامحيني .
وتقول راحت لبست وكشخت واشغل عمري بالبيت وبعيالي وبنفس الوقت ألاحظه يراقب تصرفاتي

وتقول من المواقف اللي أسويها وأنا قاصد فيها هو :

الموقف الأول :
أي اتصال ما أرد على حد ويقول تلفونك وايد يدق ردي على المكالمة , أرد أقول لا ما راح أرد
ما ابغي أتضايق بعد , يقول ليش تضايقين ؟؟ أرد عليه لان المتصلة أكيد عرفت إنني رجعت من
السفر وتبغي تسألني عنك ليش أتزوج عليك!!! والصراحة يا أبو سعود أنا ما عندي الرد حالي من حالها .
(( طبعا يتغير لونه )) وعلى طول يخلني ويطلع يقعد بالصالة وبعد ساعة يرجع لي يحاول يغير الجو بس يحصلني أنا متغيرة وابتسم له واتغلى عليه وبعدين اشرد عنه .

الموقف الثاني:
مشغولة بزيارات اليوم .
بما انه اليوم راح يزورونا أهله , دخلت المطبخ ويلست أجهز الفوالة والأشياء اللي يحبون ياكلونها من أيدي (( طبعا لزوم المدح اللي بحصله من إخوانه وأخواته وحماتي وحماي جدام أبو سعود مقصودة ))) وعشان انشغل عنه , وما اخذ وأعطي معاه بالكلام , وهو كل شوية أشوفه طاب المطبخ وأنا اخطف وأروح جدامه بحركاتي المقصودة .
والحمد الله إن مكانة أهله عندي غالية وكلهم وقفو معاي وبالعكس يوم كنت في تايلاند ما قطعت الاتصالات بيني وبين حماتي وأهله , وكانت حماتي تقولي سامحيه يا أم سعود ورد عليها (( أنا مسامحته يا عمتي وهو يظل أبو عيالي وماقصر معاي بشي والزواج شي من حقه )) طبعن هذا الكلام يريح الأم سواء كانت أمه أو أمي , وأهله ما لهم ذنب باللي صار .

الموقف الثالث:
وخلال وجود أهله في المساء ,فاجأتهم بالحمل , ويلست حق حماتي أقول لها ادعي ايب بنت
عشان اسميها عليك وتفرحين فيها ويفرح فيها أبو سعود (( طبعا الكلام خلاه مستانس ومشقق ))

ودخلت أجهز العشى وسمعت أهله يقول له الحمد لله أنت زوجتك الثانية ما لحقت تحملت وتم الطلاق
بس هذه اللحظة في داخلي نار (( بنات الناس مش لعبة )) أنا ما تهمني الزوجة الثانية
أنا شو ذنبي من هذا شو اللي سويته عشان يكافئني بها الزواج , وسولي سمعة بين الأهل والناس
( أكيد ما مرتاح مع أم سعود ) ومن ضمن الرمسة أن كانت من شروط الطلاق يشتري حق طليقته سيارة !!!!!!!!!!!!!!
الحاسبة = المهر + تكاليف القاعة + الذهب + الشقة + السيارة = كم بيتبلغ ؟؟؟؟؟؟؟؟؟؟
هذا التكاليف مش من جيبه بروحه وأنا مساهمة معها بأشياء كثيرة وبدل اللعب بالبنات
عيالي الأولى بهذه الفلوس (( كيف راحة علي شقاي وتعبي على زوجة وطلقها )
لو مسافر فيها للترفيه أو العلاج أو حب يشتري سيارة أو ساعة ثمينة حلال عليه ما راح أمانع

واللي سمعت أنا شخصيا انه ما دخل عليها (( الظاهر دخلت أم سعود القاعة أثرت فيه و خلته
يحس بالندم وما يستمر مع زوجته الثاني يعني تمت عنده شهر ونصف وطلقها ))

طبعا أنا رحت لها شوية متأخرة لان عيالي عندهم امتحانات ويلسنا بروحنا وخبرتي باللي كتبته لكم اليوم , وتقول فعلا انقهرت يوم سمعت انه تزوج وطلق وشرط الطلاق وتقول يباله أدب عشان ما يلعب فيني وفي فلوسي وفي غيري من البنات ياللي يركضن ورى المتزوجين .
وسائلتها شوي ناوية عليه ,قالت بعدني لأني ما سمعت شي منه سبب الزواج والطلاق والشرط
ولازم هناك أشياء تنحط النقاط على الحروف , لأني ما اضمنه مرة ثانية ما يسويها حتى لو بعد 10 سنوات وبعدين بتنحل
هذا اللي عرفت من أمس وأنا متأكدة إن زوجها راح يرجع لها أحسن عن قبل ومبين من عينه غلا ام سعود .

مشكورة حبوبه عالاخبار الطيبه..

يعني الدنيا داارت ولفت عليه مره ثانيه!!

هاييل هم الرياييل يوم مايعرفون بقدر حريمهم ويتزوجون عليهم بظلم جيه يصير فيهم

واخلى شي انها تصرفت صح وعرفت كيف تكسبه وتكسب اهله لانها بهالشي راح يكون الحق معاها على طول

مهما كانت مشاكلهم

الحمدلله انه ردت الماي لمجاريها ورجع لاهله وبيته

وهاي اللي خذها وطلقها صح انه بنات الناس مب لعبه بس كيف طلبت منه سياره من ضمن شروط الطلاق؟؟؟<<زطيه ولا شوووو!!!

عافاني الله

تسلمين لاني كنت شايله هم الحرمه والله

والله يسعد الجميع ويبعد عن رياييلنا بنات الحرام يااارب ^_^

والبنت إلي تزوجها باين انها داخله على طمع

والله يسعدهم ويهنيهم ويبعد عنهم اعيال الحرام ^_^