وكم مرة قلتله ان هالاسلوب ما يناسبني انا مب واحد من الربع انا ام عيالك
ولكن لا حياة لمن تنادي
كيف اقدر اتصرف معاه لان طفح الكيل
هو انسان مزاجي جدا … ومقزر نص عمره زعل … وانا لولا برودي اتوقع ما بستمر معاه … المشكله ان يزعل على امور تافهه جدا
وانا مب على كل شيء بتم اعتذر الصراحة ما تمت لي كرامه ابد
من اسبوع احين زعلان مني على شيء تافه وانا حاقرتنه … وناويه اني انا اللي اكمل زعل … بصراحه طفرت من هالطبع البايخ
انتي عطيتيه مجال من اول يوم زعل ,,, وقام يطول اكثر واكثر ,, عيل اذا نص عمره زعلان كيف بيعيش ,,, ويمكن ريلج يستانس ان يزعل
عشان تراضينه او انتي عندج طريقة حلوة يوم تراضينه وعايبتنه السالفة ,,,
خلاص تم أسبوع تمي أسبوعين مب بكيفه يزعل وعلى أمور تافهه ,,, يا انج تحزمين الامر وتصارحينه وتقولين انا بصراحة ما اقدر ايلس مع ريال نص عمره زعل
الريال قلبه قوي يتحمل المصايب والزعل والمسلم مايهجر اخاه ثلاث أيام وانا زوجتك المفروض مايصير بينا زعل ,,,
عصبي وقوليله انا تعبت من هالاسلوب وهالزعل من الأمور التافهة اللي ماتسوى ,,, ,,, واذا رد زعل مره ثانية قوليله اباك ترتاح وتريحني شوف شو الحل بعد هالزعل شو النتيجة
شو تبا بالضبط خبري شو هي طلباتك ,,,, واذا بعد مافي فايدة ,,,
غنيله اغنية الزعلان ,,,,,, وارقصي ,,, واذا بعد مانفع أهديه اول هديه كتبتلج بأول سطر
,,,,ولا ريال يروم علينا !!!
بس المشكلة قلوبنا و نحب نسمع كلمة اسف و جي
الريال عمره ما بيعتذر للحرمة الا نادراااااااااااااا
و اللي ريلها يقول كلمة اسف تسجد سجدتين شكر
هاي طبيعة الرجل خاصة الشرقي
الطفل اللي هو طفل ما يعتذر ؟؟ وين بعد ريال طول بعرض
فلا تترييين ايى و يعتذر لج الا لو السالفة قوية و صدق مزعلنج و مسوي شي جايييييييييد
ترى طولت الزعل بالايام تزيد الجفا
و تعود الريال ع فراق الحرمة
انتبهي لها النقطة عدل
يعني مثلا
1- في حريم يقدرون اييبون رياييلهم بالفراش !
2- اللبس المغري يعني تلبس و تكشخ و هني الريال ينقهر و ايى صوبها
3- بالتسوق : في حريم من يشترون اشياء غالية مثل الماركات تلقين الريل ينقهر و شوي شوي يرجع يرمسها
4- بالتطنيش الكامل :يعني اطنشينه ولا تتصلين ولا تسألين مع انج تراعينه في امور الاكل و ها السوالف
5- بالزعل :يعني تزعلين منه وما ترمسينه مول و حتى يوم ترقدين تلفين راسج الجهة الثانية
6- في حريم يمرضون نفسهم و يمثلون عدل ولا شاروخون والله وحدة قالت لي : طيحت عمري و سويت انه اغمى علي ههههههههه و الريال نش يقومها يصفعها بالخفيف لين ما نشت
و تقول لو تجوفين ها اليوم مستوي لي مثل الخدامة اييب و يحط لي
و اقول ياريت مثلت من قبل و سويت له فلم من سنين ؟
7- في حريم مثلا معودة ريلها من تنام دوم —>تحضنه دايما و بشكل يومي فت
قول من نزعل خلاص نشتاق لبعض و جي و نرضى ي
عني اللي تعود ريلها ع شي مستحيل يتغير ممكن يوم يومين بس عقب خلاص يرجع
امكري ما تعرفين تمكرين و تمثلين
كل ريال و له طريقته
انا لما زوجي يزعل..
اتكشخ اخر كشخه، والبس احلى لبس..و اتدلع ، لحد ما يجي بروحه لي
طريقة ثانية، اني اعزم اخته او حد من الاهل – اهم شي يصير نقعد كلنا مع بعض
وطبعا اجهز، واقوله جيب ومحتاجة هيك وهيك.. و لازم نمثل جدام الضيوف اننا مب زعلانين..ويصير الكلام بيننا مبدأيا..
وما يمديهم يروحون الضيوف، الا نحن متراضين..
مرات ، اعتذر .. وهو الحمدلله بسرعه يرضى…
مرات اسوي روحي مريضة ، ولازم يبيلي اهتمام..و يوديني عياده. .
.
اختاااري من القايمة
،اهم شي لا تعوديه تعتذرين دايماا و لا تعودينه يطول الزعل يومين..
..
اذا هو يزعل مب لازم تتأسفين عندج اكثر من طريقة تصلحين الزعل مثلا اذا رقد في غرفة ثانية سيري ارقدي وياه يمكن يسألج شو اللي يابج خبريه تعودت عليك
بيقوم بيسير مكان ثاني تلعثي وتلزقي فيه لا تقولين كرامتي الا اذا خاين وسوالف كبيرة من حقج الزعل
لا تطولون في الزعل يزيد الجفا واذا تبين حقج الشرعي لو زعلانه اطلبي منه
هو الحين مطنش لانه متوقع اتيينه مثل كل مره
شغلي حيييل الحريم فداخلج مثل ماقالولج
و الله يسخره لج ان شاءالله ،،
