بنات ابا مساعدتكم ):
انا انسانه مالجه صارلي 11 شهر وللحينه اهل ريلي ماسووا شي ولا حتى حجزوا الصاله ولاشي وكل فتره يدقولي اول شي قالولي شهر 1 عقب قالولي شهر2 عقب قطعوني فتره عقب ردوا قالوا عقب الصيف يعني عقب رمضان ومن سبوع قالولي شهر 1 والحين يقولون شهر 3 ..
واول ما انخطبت كانوا يقولون بنعطيج وينسويلج وبتسكنون بروحكم احسن
الحين كل شي تغير
بيزات حق الزهبه ماعطوني وكل مايدقولي يقولولي شو سويتي ومتى العرس ..؟!
و ريلي صغير ويلعب واايد ف بيزاته ومعتمد على اهله ف كل شي لانه اصغر وااحد
كل شهر يعطيني بيزات مايقصر بس يصرف كل معاشه يعني ما يمع شي وعليه سلفيات
قررنا انا وهو ندور شقه عالاقل نسوي شي ويوم حصلنا اهله عصبوا وقالو ماشي ظهره من البيت بتسكنون ويانا اونه بنبنيلكم قلت اوكي عقب غيروا كلامهم قالوا بنعطيكم حجرتين ف البيت انا سكت
والحينه ابا رايكم شو اسوي…؟
لا تقولولي لازم اخبر اهلي لان اهلي ماكانوا موافقين عليه وانا خذته غصب حتى ماسوينا حفلة ملجه..
وشي ثاني بعد هو تقريبا وااايد يشوفني ويقعد وياي بالساعات ربيعاتي قالولي لا تخليه يشوفج وايد عسب يشتاق ويشد على اهله عالعرس
بس انا ماقدر كل مره اييني لين الباب عقب يدقلي شو اقوله روح انا مش ف البيت ؟
نصيحه انتي لازم ترمسينه او ترمسين احد عاقل من هله وقوليله اذا ما تقدرون ع العرس او اذا ولدكم ما قادر ع الرس كل واحد يسبر في حاله اختيه ترا العمر يركض وهو ريال يعني حتى لو وصل 50 عادي يعرس بس البنت من توصل 30 قالو عانس وطبعا الشور لج والسموحه حبوبه؟؟؟؟؟
يا تعيشين مع انسان متردد .. يا تخلينه يصطلب و تقولين حق حد من اهلج يرمسه و قوليله لا تشوفني ولا اشوفك لين يوم العرس ..!
كوني حاسمه هاي حياتج .. و انتي تحددين مصيرج ..
على الأقل اتصرفي خلي امج تتصل في امه و وتسألها متى العرس و يحددوون و الا انج تتفقين وياه هو يسير يحجز القاعه عشان يتحدد موعد العرس
وشقايل من 11 شهر مالجه و ماعطاج مهرج لين الحين ؟؟!! كيف رضيتي تملجين بدون مهر؟ صح اهلج ما بيقصرون بس اكيد هوو ماخذ راحته ولا يحاتي شي لازم يتحمل المسؤوليه دام انه فكر في العرس اصغر واحد و الا اكبر واحد ها عرس مب لعبه
الله يعينج لازم تتفاهمين وياهم
قوليله انا مشغووله قبل لا اييي
واتيي بنات عمي في البيت ماقدر اقعد وياك …
ولا تجوفينه وايد ::::
وكلمي امج عالاقل:::
تكلمهم ؟؟؟
راكبين فوق راسج…لازم ادخلين اهلج ف الموضوع مافيها شي لو نزلتي راسج لأهلج..
ولا انج اتعيشين جي…
الله يوفقج ياربي…
انا اللي مخليني ساكته لاني انا اللي اخترته وهو يحليله سوا المستحيل عشان ابوي يحبه الحمدلله ابوي وايد يحبه
قما اقدر الحين اخرب كل شي
وبعدين هو يحبني واااايد كل مره اييبلي شي عشان جي انا وايد ضعيفه ماقدر اسوي شي كم مره كلمته عن العرس يسير يكلم اهله وامه على طول تدقلي تقولي حاولي تأخرين العرس قوليله انا مابي الحين
ماعرف ليش