ريلي والمسن ><

السلام عليكم ورحمه الله وبركاته

اشحالكم يميع عساكم بخير وسهاله

البارحه استوتلي سالفه ومب عارفه كيف اتصرف شورن عليه فديتكن

ريلي معطيني الباسورد حق ايميله وعادي وقال انا مب مال هل السوالف مسن ووهل الحركات
وصدق ايميله كلهم عيال خاله وعمه وربعه

قالي حطي السي في حقج في ايميلي عسب افتحه بدوام ويدورلي وظيفة^^

ف انا فتحت ايميله من المسن وكان ظهور دون اتصال
الا شوي تيتني مكالمه هلا هلا هلا هلا هلا هلا
و فيها صوره بنيه
عاد انا مشيت معاها قلتلها كيف عرفتني اني حدرت قالتلي مسويه برنامج يكشف اللي يحدرون دون اتصال
وتمت تسولف واسولف وياها ع اساس اني ريلي .. وسوالفها كلها دلع ورقه اخاف ع ريلي منها
وتخيلو مب قايلها انه معرس وقالها اسمه وعمره و وين ساكن ><

اللي قاهرني متى يدش ويسولف معاها ..ابدا ما ييود اللاب في البيت
شكله يرمسها يوم اسير عند هلي ><

انا حفظت المحادثة كامله احتياط

شو اسوي مقهووورة اخاف اواجهه واذا رويته المحادثة تستوي مشاكل .. واخاف اطنش ويتمادى اكثر
خوفي لو عنده ايميل ثاني بعد ><

شورن عليه فديتكن

الله يكون بعوونج

بس يمكن يكون مقلب من ربعه مسويه له او هو عادي تستوي ..

وخلي السالفه سر لاتقولين له لانج اذا قلتي له بيعصب عليج وعقبها ما بيعطيج ايميله وبتبدين تفتشين ورااه

من رايي لو عنده هالسوالف مستحيييييييييييييييييييييييييييل يعطيج الباااس ..هاي نقطه

ويكمن يكون ريلج يبي يعرف اش بتسوين اذا صار نفس هالمووقف ..

انصحج امم بلووك ودليت عليها ولا جنه صار شي …والافضل تحفظين الايميل يعني سبحان الله جات هالاضافه مره ثانيه تكوني عرفتي انها نفسها ..

ولا تضايقين عمرج وربي يخلي ريلج لج ان شاء الله

والله يهدي سركم

مااعرف لووفمكاانج بحااول آآخذ منها كل المعلوومات واعرف لومجرد سواالف على المسن ولا طلعات .

لوالمسن ..ترااه لوعندة بلاك بيري يمكن ضاايفنها على مسن البي بي,.ولوفتحتي من الكمبيووتر يظهر عندج..

يعني انتبهي..فيه ريااييل ايشييفوون بس جييه,,

اسالييها وقوولييلها من متى مارمسه وةجييه وانتي وذكاائج..

لوكاان مجرد محاادثاات لاتكبريين الموضووع..

ولووهي خياانه بمعنى الكلمة ..ممكن اتوااجهييه واتحلي الاموور بس بهدووء طبعا ..

واذا محتاارة صلي الاستخاارة وربي يهدييه لج ..

بصراحه الله يكون في عونج
حاولي ترمسينه وتواجهيه يعني ما يصير تسكتين عن الموضوع لأنه بيتمادى

اختي دام عطاج الباس اكيد واثق من عمره ويمكن مثل ماقالت الاخت ان حد من ربعه يبا يسوي مقلب فيه

انتي صارحيه بس بيني انج عادي مب شاكه فيه لان بيزيد الطين بله

ونصيحتي لج كثري من الاستغفار والدعاء وربي يسعدج مع ريلج ويوفقكم

الله يصلح الحال ..

انا من رايي اتواجهيه ،،، لي رجع البيت قوليله كيف اتقولي انا مب مال هالسوالف واول ما افتح ايميلك اتييني مكالمه من بنت !!!!!! راقبي ردة فعله وبتعرفين اذا صاج او يجذب

ما عنده مجال يطلعج غلطانه او يتهمج بالتنبيش هو معطنج الباس اطرشين اوراقج والحبيبه عندها برنامج تعرف ودخلت على اساس اتكملك