بدخل بموضوع على طول حبيباتي انا مشكلتي ريلي وراتبه انا كل اول الشهر لازم ريلي يعطينا مصروفنا ومصروف البيت وبس يعني اذا ابي شي زياده يقول الراتب خلص كيف خلص يصرخ ويزعل ويطلع من البيت المهم انا تعودت على هاي الشي يعني نص الشهر يكون خلاص مفلس ولا درهم عنده المهم امس كنت اسولف معه بعدين قالي انا بكره مشغول بمشروعي انصدمت وقلت له اي مشروع قالي انا مسوي مشروع من سنتين ولين الحين ما احد يدري فيه انا فرحت من داخلي انه ما يلعب بفلوسه بشي تافه انه يفكر بمستقبلنا قلت له طيب دام عندك مشروع ليش ما تقولي من قبل انك مسوي مشروع قالي ما ابي اقولك بعدين تقولي ابي فلوس وانا ما عندي شي ويعني مسوي مشروع من سنتين وعنده الفوائد وبخيل معي لهاي الدرجه مع اني احسه اذا امه او احد من خواته او خوانه يبون الفلوس على طووول يعطيهم الا انا ما يعطيني غير مصروفي الشخصي بس يعني ما اقدر اعطي اهلي حتى ولو بسنه مرة مع المناسبات يرفض ويعصب علي المهم طولت عليكن بس ابي حل لمشكلتي مع ريلي وليش يسوي فيني جي مع اني مو من النوع يلي يطلب فلوس وايد ولا اسوي مشاكل بعكس طيبه وصبوره حنونه وامه واخوته يحبوني كثير وهو علاقته مع اهلي اوكي يحبونه ويحبهم بس ليش بخيل معي انا وبس بليز ابي حل شوو اسوي معه قهرني
تعرفين سوالف الشباب عن زوجات ياكلن البيزات وماادري شو اكيد حط هالفكره في باله
ان شاءالله البنات مابيقصرن
يا اختي انتي قلتيها تراه يعطيج بيزات تكفيج شو تبين بعد…بيزاته الباجيه بيزاته و هو حر فيها يشغلها يحرقها يعقها هو حر تراه هو اللي يتعب فيها..دام انه هب مقصر معاج و لا مع امج و اهل شو تبين..هو مش مجبور يعطيج بيزات عسب تعطين هلج
يا اختيه لا تسوين مشكله من لا شي
لكن العيشة ويا أي ريال مهما كان عصبي أو متقلب المزاج أو انطوائي أو أو أو ……..تهون
على العيشة ويا ريال بخيل 
هذا الطبع من الصعب جدا انج تغيرينه
ما لج حل غير انج تتعايشين وياه عشان المركب يمشي.
وانتي اذا حاسه ان المصروف ما يكفيج فكري تشتغلين
وتستقلين بنفسج ماديا .. ماشي غير هذا الحل.
انتي ما عليج من فلوسه
دبري حالج بمصروفج
والله ما اعرف شو اقول لج لانه عن نفسي موظفة و عندي مصروفي الخاص…
الله يعينج
انتي ادرى بريلج و لازم تتقربين منه علشان تعرفين كيف تدخلين قلبه و اذا دخلتي قلبه صدقيني كل شي راح يكون على كيفج
بس لا تحطي فكرة انج حاطة عينج على فلوسه و شوفي كيف بيتغير
انتي عودتيه على ها الشيء
والريال على ما اتعودينه الغالية
المهم الحينه انتي حاولي اتقولين له لفلوس ما تكفيني ولا تكفي لعيال
والمصاريف زادت والدنيا غالية الا محترقة من الغلا
وادخلي قلبه احسن لج لانه الحينه عنده مشروع وباجر من تزيد لبيزات في ايده على طول بيصكج ابحرمه
الرياييل كلهم جذه عافان الله
وفي كل الاحوال اياني واياج اتفكرين تطلعين من البيت ولا بالطلاق في اي حال ولو اشو ما يستوي
الله يسخره لج ويسخرج له اللهم آمين