شخباركم
بنات حابة افضفض لكن شوي لانه محد بيده شي غير رب العالمين ( لا اله الا انت سبحانك اني كنت من الظالمين )
بنات انا ريلي مرض عفانا الله مذوقني كل انواع الذل طبعا الا الفراش يحبني هالوقت بس و الحمد لله ان في هذي راضي
انا ما بقول خاين ولا بقول يشرب بس هو مكرهني عيشتي
ما اقدر اطلب منه شي الا روحي تطلع لين احصله
ما يبي الخدامة تلمس شي لا لبس و لا اكل ولا تغسل حمام ولا تنظف الغرفة طبعا ها كله عالعين و الراس عسى. يحس و يقدر بخيل لاخر درجة يعطيني فالشهر الف لي و لعيالي و الله من الحين ياسة ايمع حق العيد عشان ما اكون اقل عن احد والله اذا شي فخاطري اتريا واتريا لين يروح عن قلبي و اعافه ..كان عرس اخوي والله ما فكرت اطلب منه بيحلف علي ما اروح العرس بعت ذهبي و مشيت حالي و يوم العرس بعد رحت الصالون وييت قالي ابي اكل انا يوعان بس عسب. يطفرني قلت اوكيه وسويت اكل وابا كندورة الكبت متروس كنادير كويت له كندورة و راح يسبح ترس البانيو ماي. ويلس ساعة فالحمام انا مكياجي ذاب وشعري تبهدل وجان اعصب و اصيح وحلفت اني ما اسير العرس وتضاربت وياه الحين طلع ما في احن منه طلع الحب و الحنان كله لانه. سوا اللي فراسة و خلاص ما بكون. مستانسة
و الله اني تعبت و تطلقت بعد وبعد ثلاث ايام رجعت له بس عشان العيال و لاني قلت مذلة واحد و لا مذلة عالم
و الله لما اقعد افكر اتخيل عيالي يموتون (لاني احبهم و ماابيهم يذوقون التعاسة)اني ما اقعد عنده دقيقة و اعيش حياتي من يديد مع انسان يحطني فعيونه
او انه الله يقصر فعمري و عمر عيالي و نموت فساعة وحدة
و نهد هالدنيا الوصخة لانه الكل فيها يذلني
لا ابو و لا اخو ولا ريل كلهم يذلون
او اقول ياليت الله خلقني ريال و لا اني احتجت لاحد و اعتمت على نفسي
سبحانك اللهم و بحمدك استغفرك و اتوب اليك
دعواتكم الله يقصر فعمري ويفكني من هالدنيا اللي كلما طال عمرك فيها رادت ذنوبك استغفر الله
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }
يختي لا تزعلي .. ترا الدنيا والله ماتسوى .. و كل الناس عندهم مشاكل ..
الدنيا ماتصفى لـ حد ..
صح ممكن تشوفين انك تعيسة و أتعس وحدة .. بس صدقيني في مشاكل أكبر بالدنيا ..
توكلي على الله .. و اكثري من الاستغفار .. صدقيني بينشرح صدرك ويزول همك ..
زوجك .. ادعيله ليل ونهار ربي يسخره لك ..
و عيالك .. حفظيهم قرآن وسولفي معهم واشغلي وقتك معهم ..
كل يوم اقرؤوا تفسير سورة .. لو سورة قصيرة .. او احفظوا كم آيـة ..
سوي مسابقة بينك وبينهم .. اشغلي نفسك بالطاعة .. وادعي الله واستغفريه
وربي قادر يحـول حياتك لأسعـد حياة ..
بس لاتدعي على نفسك .. قولي يآرب أحيني مادامت الحياة خيرا لي .. وتوفني إذا كان الموت خيرا لي ..
ماتدرين شو المكتوب ف المستقبل ..
ربي ييسر أمرك ويسعدك ويفرج همك ~
كل شي له حكمة
والاعمار بيد الله مب زين تدعين ان الله يقصر او يطول في عمرج لان الاعمار مكتوبة
اصبري والله يطول بعمرج ترا كل المشاكل والابتلاءات فيها تكفير ذنوب واجر ان شاء الله
انتي ادعي واتوكلي على الله وخلي القرءان رفيقج والاستغفار كل يوم بتتغير حياتج صدقيني