خواتي.. ريلي الحين راااااقد لانه عنده دوام ودوامه شفتات يعني ما بشوفه كم من يوم! المهم ..
تزاعلنا قبل اقل عن ساعتين والسبة السوووووووووق !! تخيلوا ! والله تخيلوا ونحن في السيارة في السوق قلتله ودني بيت اهلي خلاص ما ابي السوق قال خلي حد ياخذج انا ما بوديج!! اول مرة يقولها على فكرة..!! وولدي الصغير عمره سنة معانا مسكين طاح من الكرسي ذيك اللحظة ويصيييييييح وريلي وقف وخذ ولدي عنده.. وراح وقفني عند المح لوقال نزلي هذا بعد ماكان بيوديني البيت خلاص..
بقولكم السالفة شو!! هي تافهه يوم افكر .. بس لانه كان مستعيل متى بيرد عشان يرقد .. دوامه الفجر ولازم يظرب خط وتعب وجيه.. انا سرت السوق مع 2 من خواته.. نزلناهم محل وانتظرناهم ووواااايد تأخروا في المحل فقلت مدام جيه ودني المحل اللي اباه جريب منهم ويوم سرت المحل اللي اباه شفته زحمه هذا وانا يالسه في السيارة انتظرت والله شوي لين ما تخف الزحمة.,, تخيلوا والله عصب علي انتي وانتي تبين كل شي على كيفج!! تخيلوا.. بس كنت انتظر تخف الزحمة وادخل وخاصة ممراته ضيجه وفيه رياييل..!قال انزين نزلي على الاقل وانتظري,, قلتله شو تفرق بانتظر في السيارة ..!! رديت عليه وخواتك ساعة منتظر ولا قلت كلمه!! علي انا بس!! قال خواتي نزلوا ما انتظروا مثلج!!
والله خلاص كرهت حياتي.. المشكلة اللي افكر فيها.. انه جيه دوم كله يعق حرته علي.. واهله والله مايستانس يقولهم كلمه للأسف.. والله مرات مثلا اقوله بيزات يقول ماعندي بعد شوي امه تقول سوي عزيمة ولا ابي شي.. ولا عطي حد شي.. ماشاء الله الفلوس يظهرن قسم بالله بالآلاف !!وخواته الصغار واخوانه كلهم اوامرهم مستجابة ولا يقولهم كلمه..!! إلا انا..
خواتي قسم بالله انه طيييييييب بشكل مب ططبيعي وهو عصبي شوي.. واهله واايد متحكمين فيه.. ومايباني اقول اي شي عن اهله !!
المهم الحين بعد ما عطيتكم نبذة عن اللي فيه.. شوروا علي شو اسويييييييييي؟؟
والله تعبت .. خاصه اني حامل بعد 
ربي يحفظكم 
ما تستاهلين
تعرفين شو المشكله الاساسيه
الريال بسرعه يتنرفز .. الحرمه لا .. بس حساسه غالبا
الريال ما يفكر بالكلمه اللي يعقها على حرمته ومع الغير يحسب للكلمه الف حساب
انتي حالتج شرات حالة وحده عندنا
مادري شقولج والله
هدي اعصابج
وبينيله ان الامور ماشيه تمام التمام
وانج انتي اللي غلطتي وحسيتي بغلطج
لازم واحد من الطرفين يتنازل وغالبا الحرمه اللي تتنازل عشان حياتكم تمشي
بس اذا فكرتي شوي بتحسين ان ردة فعله هذي بسبة توتره يحاتي متى بيرقد عشان الدوام
الاسبوع الماضي صارتلي نفس السالفه كنا ظاهرين السوق .. وكل ما اقوله شي حسيته يعصب اشياء عاديه
بصراحه ما تحملت رمسته قام يتميصخ … الله يهديه
قلتله انته متوتر صح … طالعني قالي هيه
قلتله شو اللي موترنك
قالي الدواااام لازم ارقد بسرعه عشان انش الفير
قلتله اوكي
فيلست ساكته .. واذا سولف ابتسمله واطالعه بس لاني ما اعتقد ردة فعله فاي موضوع تكون زينه ههههه
المهم قبل لا ترمسين فاي موضوع جيسي النبض
يعني شوفي اذا قلتيله سالفه معينه فكري فيها … عقب شوفي وضعه هل هو عادي ولا متوتر او معصب
وجيه ما بتصادفين شرات هالسالفه مره ثانيه ^^
والله يخليكم لبعض ان شالله ياااارب
والله يصلح امبينكم ويهنيكم يارب……
وثاني شي … كيف اهله متحكمين فيه ؟؟؟؟ يعني انتي ساكنه معاهم في البيت ؟؟؟
أختي كفاني جرحك.. ايه ساكنه معاهم!! مشكورة عالمرور