ريلي بيوصل وتعبت من التفكير

هلا الغاليات عساكن بصحة وسلامة

يمكن موضوعي مكرر بس صج محتارة

ريلي بيوصل من السفر الاسبوع الياي مب عارفة شو اسوي
.. اهو من النوع اللي يسافر وايد .. وكنت اسويله اي شي حلو يعيبه ويتفاجأ فيه

مرة غيرت الاثاث ومرة شموع وورد ورومانسية
ومرةويا العيال وحشرتهم وكلهم ركبو على ظهرة ومرة نومتهم كلهم وسويتله
تدليك ووايد اشياء ..
ف اللي مسوية حركة حلوة لزوجها ويديدة تقوووووولي وتنجدني
واذا موضوعي مكرر بليييييز عطوني الرابط
وكل وحدة بتعطيني فكرة بعطيها هدية (شلق) شو رايكم ؟ حلو العرض

ان شاء الله البنات بيفيدونج

هالمره فاجئيه ولاتسويله شي حطييي راسج وارقدي هههههههه شوفي شو ردة فعله

اذا بيي عقب الساعة عشر فالليل يعني على الاقل يتعدل الجو والا بتذوبون…. حطي طاولة برع البيت "ممكن في الصاله بعد"وخلي العيال ينفخون نفافيخ جنكم بتسوون عيد ميلاد حد من العيال …..ولبسي عيالج وانتي بعد اكشخوا كشخة جنة بيونكم معازيم … واول مايدخل خليهم يغنولة يارب تخليي بابا يارب تطول عمرة ونقعوا هذا اللي فيه اوراق مال مستر بيكر …وزهبيله الحمام والعشا وعصير فرش بارد غيري لون الليتات اللي في الابجورة …. خذيج قميص نوم بس مب طويل … ومن كلامج ينعرف انج تعرفين الذوق في التنسيق

ليش تسويله هوه بس سوي حق عمرج وتستانسين معاه ( سوي شهر عسل يديد )
عندج تغيرين من نفسج و بيتج ( عيالج علميهم يشتاقون لبوهم عشان يتمون يحنون عليه و يتعلق فيهم ) قصة شعر يديده و خصل ناعمه و دخنيه
غيري ستايل لبسج خليه ( برمودا ألوان بناتيه – و القمصان اللي كلها حبال وكت و عاري وسترشات
و ملابس داخليه (البكيني) و تنانير قصيرة أو طويله و مفتوحة و بخور فرنسي إذا كنتي تستخدمين عربي يعني أعكسي و كريمات الجسم غيريها و خليها أطقم اللوشن مع البودي سبري و الجل و الكريمات و العطر طقم شوفي ملابس النوم خذي الحراير و الناعم إذا كنتي تلبسين المحتشم شوي ألبسي العكس غيري كفر السرير و دخنيه وعطريه كل يوم شكل غير عن الثاني و حطي أبجوره يديده
أشتري له طقم للحمام كرمج الله و عطر و عود لثيابه حتى ترتيبهن غيريه في الكبت و خذيله ساعة فخمه بس جلد وجلابيات للنوم له و غتر و فوانيل و الوزرة شي راهي ( أخذي رأي خوانج )
و غيري نظام الغرفة يعني أن كانت شرق خليها شمال .. غيري نظام العيال في وقت النوم
غيري من ستايل الصحون والملاعق أخذي الأشكال الغريبة و اللي مكتوب عليها كلمات حب و غزل
غيري من نوعية السويت سوي أشياء ثانيه و أشكال غير عن اللي متعود عليها
غيري من الأكل خلي يوم جشيد و يوم ربيان … و يوم في مطعم
و تقدرين تسوين عزيمه له ثاني يوم وتعزمين أهله من غير مايدري بس شي فخم .. ولو تبغين تغيرين جو أحجزيلج في فندق و العيال عند خالوه خخخخ خليه هوه يسويلج مساج ( هذا اللي يا على بالي )