السلام عليكم ..
شخباركم بنات .. ؟
اليوم عندي موضوع كلمتني فيه ربيعتي من يومين .. وهو شاغل بالي ..
طبعاً هي كلمتني لأنها ما تبا تقول حق امها او خواتها .. ولا تبا حد من اهلها يعرف ..
ودورت عندي حل ..
والمشكلة اللي قلتلها اياه جربته وماشي فايدة !
الله يسلمكم ربيعتي معرسة من 3 شهور تقريبا او يمكن بعدها ما كملت ..
ماشاء الله تبارك الرحمن مرتاحة في حياتها وريلها مب مقصر عليها في اي شي ..
اللي تباه تحصله ..
بس في شي منغص عليها ..
يحب يبات ويا ربعه في المزرعة في الويكند ..
يعني تقريبا في الشهر يسير ساعات مرة وساعات مرتين ..
وهي متضايقة من سالفة مبيته برع البيت ..
في البداية كانت توافق على طول وعادي ..
عقب شفت الموضوع يتكرر ويتكرر ..
وقبله باسبوع يقول لها جان بتسيرين تباتين في بيتكم ترى هالويكند مزرعة ..
حاولت وياه انه توه معرسين وما يستوي وليش .. ماشي فايدة ..
قالت له ماعرف ارقد بدونك واوله عليك وما اييني الرقاد .. ماشي فايدة ..
سير اسهر وياهم لين 1 او 2 وارجع .. مافي فايدة ..
يوم تعارضه وتقول له لا .. يسكت ولا يكلمها ويتم مبوزم ويتصرف كأنها مب موجودة ..
ويقول لها كل اللي هناك معرسين وعندهم عيال وبيوت ،، ليش يعني انتي مكبرة الموضوع
الا هو يوم
تقوللي بيكملون شهر وهم كل يومين يصير بينهم خلاف بسبة هالموضوع
هي ما تباه يبات ..
وهو يشوف انه مافيها شي ..
انزين شو الحل !!؟
شو تسوي وياه !؟
ترا الشباب يستانسون على اللمة والسهر واليلسه الين الصبح
لا تكبر الموضوع وايد وباذن الله ريلها ما بيسوي شي ما تحبه
خلها تدعي الله انه يسخره له وهي كلمته بس ما رضى فلا
تضغط عليه بالاخص انهم توهم معرسين ومصيره يودر هالشي
بس خل تعطيه مجاله….
والله يوفقها وياه
الصراحة انا ماعندي حل بس ان شاء الله البنات مابيقصرن 
اتمنى المعرسات يفيدنج اكثر لانه اكيد عندهن الخبره
وماحبيت ادش الموضوع ومااادعيلها الله يحل مشكلتها ويا ريلها و مايبات برع البيت
الله يهديه ان شاء الله و يسخره لها و يوفقهم يااااااااااااااارب
انا سمعت الدكتوره فوزيه الدريع مره دقتلها وحده اتقولها ريلي يسهر برا..ردت عليها يعني مثلا كم مره فالاسبوع جان اتقولها مره والا مرتين قالتلها هو مقصر فيج قالت لا..واحتشرت الدكتوره قالت يعني ما يقصر فيج ويوم يبا هو يستانس ما اتخلينه؟؟ شو هالانانيه هذا ما يسهر كل يوم الا هيه مره فالاسبوع..قالتلها خليه يروح وقبل ما يطلع احضنيه وحسسيه بحنانج وقوليله روح واستانس وغير جو وبعدين هو شوي شوي بيتغير…
وبعدين هي توها معرسه وريلها اكيد هذا نظامه من قبل قوليلها لا تزنين عليه وهو شوي شوي بيتأقلم على الحياه الزوجيه…الله يوفقهم قوليلها تراج احسن عن ناس وايد…وحده كانت معايه فالدوام اتقول انا من عرست والحين حامل وبكمل سنه معاه ولا ويكند ريلي عندي كله يسير البحر مع ربعه (( هاي شو تقول عيل مسكينه؟؟))) وبعد ما تقدر تتصل فيه يعني اصعب…