مرحبا بنات
انا حابه اسأل عن ريجيم ممكن تستخدمه الي ترضع
ويكون مجرب
ارجوكم لا تبخلون علينا
رجيمي صح شوي اتحسينه قاسي بس كله اشيا مفيده طبعا الى جانب الرجيم الرياضه للحين ما بديت باي رياضه بس ابى اتعود اخفف الاكل اسبوع وعقب ببدأ بالمشي من 10 دقايق الين ما اوصل الساعه لانه هب زين اني امشي فالبدايه اكثر من 10 دقايق ..
المهم
رجيمي لاول اسبوع
الفطور كل يوم بيضتين + كوب حليب قليل الدسم + كوب ونص عصير برتقال
السبت
الغدا : فاكهه وبصنف واحد كل ما حسيتي باليوع ما عدا ( الموز _ المانجو )
العشاء: مشاوي لحم باي كميه + سلطه خضراء
قبل النوم كوب لبن قليل الدسم + تفاحه يوميا
الاحد
الغدا: دجاج مشوي +كوب عصير برتقال
العشاء : 2 بيضه مسلوقه _سلطه مكونه من ( جزر ، خيار ، طماط ، فلفل بارد ، خس ، نعناع، جرجير ،)
الاثنين :
الغذا : جبت قريش + توست رجيم + طماطم
العشا : لحم مشوي + سلطه
الثلاثه :
الغذا : صنف واحد من الفواكه وباي كميه + كوب حليب
العشا : لحم او دياي مشوي
الاربعاء:
الغذا: 2 بيضه مسلوقه + خضار مسلوق
العشاء: تونه +سلطه +عصير برتقال
الخميس :
الغذاء : فواكه
العشاء : لحم مشوي + عصير برتقال
ملاحظه
شرب كوبين ماي قبل الاكل بساعه وبعده
تمتنعين عن السكريات
يسمح بشرب شاي اخضر مره باليوم
شو بعد قالتلي …….. بذكر وبكتبلج
ع فكره انا اراجع عن دكتوره تغذيه وايد فنانه …
صح اني يومين وانقص بالانشات بس عطتني امل وقالتلي بالبدايه ما بتزلين بسرعه بس مع الايام واستمرارج وارادتج كل ما بتييني كل اسبوع بتحسين بالفرق .. 
ون شاء الله خير
بس انا توني مربيه من شهر ونص وبصراحه خاطري انزل من وزني لانه وايد مضايقني
يعني لو وقفت اكل الكربوهيدرات وكثرت من شرب السوائل بيتأثر الحليب او بيقل حليبي؟؟؟
بعد خايفه على بنتي وما ابا اقصر عليها بالرضاعه
افيدوني
وتخيلي اني بديت الرياضة من ثالث اسبوع
ادري اني بنهزب بس نفسيتي زفت وعرس اخوي عقب اسبوعين
ويالسة اسوي دايت باللي اقدر عليه
يعني لغيت العيش والمعكرونه والنودلز من قائمة اكلي
وكله اكل خبز اسمر بدل الخبز العادي
مثلا:
والفطور يكون كورن فلكس الرشاقة ويا حليب قليل الدسم
والغدا شوربة دياي وصحن سلطة عود
العصر طبعا لازم احلي لان مشكلتي بالحلويات
والعشا اشرب حليب قليل الدسم بس واخر الليل اشرب شاي اخضر ويا زنجبيل
وطبعا اللعب بالسيكل نص ساعة
ومرات تمارين بطن
ونقصت لين الحين اكثر من اربعة كيلو
بس وقف وزني عند هالحد ما ادري هل السبب من الرضاعة ام بسبب تخبيص الحلويات
وسلامتج
احس ان نفسيتي زفته
ووزني زاااااااااااد فالحمل ومايبا ينزل
اخاف اسوي رجيم وياثر عالحليب لاني ارضعه طبيعي
اللي بدت بالرجيم من اول شهر بعد الولاده ونزل وزنها تفيدني ويزاها الله الف خير
ولدي عمره شهرين
وحالتي النفسية زفته
لان وزني يزيد