روتين يا لبيه بعد اذان العشاء .

هلا وغلا فيكم..

مبروووك عليكم الشهر .. وتقبل الله صيامكم وقيامكم .. ويغفر لكم يا رب ..

راح اقولكم روتيني اليومي بعد اذان العشاء ..

اول شي اسويه اني ..
اسوي خلطه لتنحيف الارداف وقريته من قريب واجربه حاليا ..

اللي هو 4 ملاعق صغيرة نسكافيه او قهوة ..
وليمونه واحده
ملعقتين خل التفاح << المفروض بس نحنا عندناالخل العادي ف استخدمه

اخلطهم وافركه على بطني وريلي كلهاا ..

وبعدين البس لبس من نيوتريشن . راح احطي لكم الصورة بس ما اعرف اذا راح تطلع لكم

[IMG]file:///C:/Users/User/Desktop/DSC00178.JPG[/IMG]

والعب رياضه لين ما اتعب وطبعا يخلي الجسم يعرق وااايد واايد وانا العب داخل البيت وجي ><

واايد اوكي .. تقريبا نص ساعه كل انواع الرياضه واناقز اكثر شي :12 (35):

ونفس الوقت اكون حاطه ماسك ف ويهي ..

امس حطيت ماسك الزنجبيل مطحون ويا ماي شوي وحطيته ..

واليوم حطيت بيلينج دي بالعسل والشكر الاسمر وهذي صورته ..[IMG]file:///C:/Users/User/Desktop/DSC00176.JPG[/IMG]

وراح احطي يوم رووب ويوووم عسل ويووم << بختصار راح انوع
لان ويهي فيه بثووور وفيه مسامات << اللي عنده حل غيرة او غسول اشتريه لا يبخل علي بالمعلومات …

هيه ونسيت اقولكم اكل برتقال ويوم اخلص القشور افركه بويهي يقولون مفيد ومنهم نستفيد ..ونفس الوقت اللي اسويه فيه رياضه احطي زيت ف شعري واليوم بديت يقولون يطووول وووايد ينعم وحلووو على الشعر ..

اسم الزيت سيساا من الهند وهذي صورته ..[IMG]file:///C:/Users/User/Desktop/DSC00175.JPG[/IMG]

يينا للاساس اللي هو شاي اولونج كنت استخدم غيره وايد اوكي من الصيني قالو هذا مثله وراح ابدانفع بنت خالتي واااايد وشعرها لين تحت ظهرهااا .. ما شاء الله …

وراح استخدمه كل يوم فيه .. بس كل اللي يجوفني يقول ضعفتي ..

انا طولي 161
وووزني الحالي 59
هدفي الاخير 49

ادعولي اوصله ..

اشرب الجاي بعد الفطور ووقت السحوور ..

افطر اي شي .. بس اقلل

اتسحر برتقال وماي واكل يمكن مرات بس واايد اشوي اكل .. واشرب الجاي ..

وهذا صورة الجاي ..[IMG]file:///C:/Users/User/Desktop/DSC00174.JPG[/IMG]

وطبعا اشرب مااي وااااااااااااااااااااااااااااااايد …

ونترقب لين اخر الشهر شو بيصير

بنات اللي عندها اشيا زياده اسويها وبستفيد منها يخبرني .. والكل راح يستفيد ..
لا تبخلون علينااا .. نبا نطلع ملكات جمال ف العيد ورشيقات وبشرتنا مشرقه ..

بنات اذا ما ظهرت الصور خبروني وعلموني كيف انزلها من لابي .. لاني ما اعرف ..

يزاكم الله الف خير ..

ربي يوفقج الغلا

أهم شي : وقت الرياضه لا تحطين شي على ويهج لان الدوره الدمويه تكون شغاله حيل والمسام لازم يكون نظيف عشان البشره تتنفس عدل وما تظهر لها الحبوب
خلي وجباتج صغيره على فترات متباعده احسن من الكميات الكبيره

استانست ع روتينج واتحمست اسوي شراتج لاني من النوع اللي اهتم بعمري واحط بين فتره وفتره

بس يوم قلتي تبين وزنج ٤٩ بطلت عيوني وانصدمت بالعكس انتي طويله ف مب حلو وايد ضعيفه. انا وزني ٥٣ وطولي ١٥٥ والحمدلله عايبني واحسه لايق ..!

ع الاقل خلي وزنج ٥٥ احس بيكون حلوو عليج^^

ولاتضعفين الارداف وايد حلاة البنت اللي فيهاا فخذ خاصة مع التنانييير ^^

ويعطيييج الف عافيه يالغلاا

يعطيج العافيه والله بوفقج
بس ما احس انه اله داعي تنزلين وزنج الا اذا بتين تنزلين 2 او 3 كيلو

يعطيج العافيه يسلمواااا

توكلت في رزقي على خالقي
وأيقنت أن الله لا شك رازقي
وما يكن من رزقي فليس يفوتني
ولو كان في قاع البحار الغوامق
سيأتي به الله العظيم بفضله
ولو لم يكن مني اللسان بناطق
ففي أي شيء تذهب النفس حسرة
وقد قسم الرحمن رزق الخلائق