شحالكم
من زماان ما يبتلكم سوالف عن الشغاله حسبي الله عليها
الظاهر عقب ما اخلص امتحاناتي بسوي موضوع كامل يخص الشغالات وكيف نتعامل وياهم
الحين بقوللكم سالفتي الي صارتلي قبل شوي
كنت ادرس فغرفتي والشغاله متعمده انها دووم يوم تمر حذال حجرتي ادوس الارض بقوو
تبا تقهرني وهي وايد استفزازيه وانا سكت عنها لان امي قالتلي ان قد ما اقدر اتجنبهاا
استوت الساعه 1 قمت شوي بريح فرست المطبخ البراعي ويلست اطبخ
ويايبه بشغل الغاز جان تسحب الجبريت اونها تبا تستفزني وتمت تحاوط فيه>>فعل قمه في الغباء
جان اسحبه عنها بالقو وقلتلها انتي تستهبلين ولا تستعبطين هاتي
ومرت خمس دقايق والذكيه الحين استوعبت اني رمستها
جان تبدأ ترادد اونه انا ما كلمتج انتي ما تعرفين تسكتين وبدت تسب
وطبعا انا طولت لساني عليها وقلتلها انا ما اباج اطلعي برع بيتنا
وتم تتمادى لين وصلت عن الديانات
وتمت تسب الاسلام والمسلمين وطبعا هني انا عصبت
قلتلها جوفي روحج يالسوده يا الشغاله يالشحاته كله تشحتين اغراض وفلوس
سكتت وعقب بدت تسب جان اقوللها لو ما سكتي بالظو على راسج
جان تهز صدرها ومحطيه ايدها ع خاصرتها اونه انا اقدر احرقج
دشت داخل سويت عمري متصله حق الشرطه وعطيتهم الاسم وهي اونه لا تقولين اسمي على لسانج
وتضحك بصوت عالي
عاد انا زياده عصبت تميت مطنشه وكانت جدامي زيت املا قلتلها لو ما سكتي بفره عليج
جان تهز صدرها مره ثانيه وتقول يلا فري وانا اقدر افره عليج
تميت اتعوذ من الشيطان واسوي عمري اعطي حق الشرطه البيانات
وتمت زياده تعلي صوتها جان كرتون فاضي وقلتلها لو ما سكتي بفره وصدق فريته
جان اتزخ غطاة الجدر ويت وفرتها
زين اني شردت عند اخواني الاولاد واتصلت حق امي فالدوام وخبرتها
وطبعا امي دووم اتصدق الشغاله غربلاتها
والشغاله مب طايعه تهد الموبايل جان اسحبه عنها بالقوو وتمت اونه تصيح وتقول ظربتني
امي قالتلي اسكتي عنها وتمت تعق اللوم عليي انا
نازعت الشغاله وسرت اكتب سالفتي ههههه
غربلاتها حتى المعلومات طارت كيف بسير الامتحان ماعرف
الحين يا بنات انا ما بديت وياها هي الي بدت وامي مب مصدقه كيف اقنعهاا واخليها تسفرها؟؟
كيف انتو متحملينها !!!!!!!!!!!!!!!!!!!!!!!!!!!!!!!!!!!!!!!!!
حبيبتي ماله داعي تقولين لها يا السوده والشحاته حتي لو هي تطاولت الله فوقها انتي كوني احسن عنها .
والحمدلله انج تمالكتي اعصابج وما استوا شي لان هالفئه يشلون بقلبهم وعادي ينتقمون واسئليني ومن تجـــــــــــربتي بعد ..
اهتمي بدراستج وامتحاناتج واذكري الله وطبيها السالفه ولا ترمسن البشكاره مووووووول بس خبري امج اتسوي اللي قلتلج عليـــــــــه ..
وان شاءلله اكون عطيتج الحل غناتي . .
وكلمي امج بينج وبينها بدووون هالسوووسه علشان ما تخرب عليج….
بس شو جنسيتها هالملسوونه؟؟؟؟
خليها تزول دام تهز صدرها فالله المستعاااااااان
ظحكتيني اونه تهز صدرها خخخخخخخخ
وهي شووو جنسيته