طبعا رحلتي لـ سويسرا كانت واااااااايد قصيره .. 4 ايام …
طلعنا يوم الجمعه 2024 – 7 – 13 من إسبانيا .. و رجعنا يوم الاثنين 2024- 7 – 16
اليووووووووووم الاول …
وصلنا انترلاكن الساعه 7:30 المسا … و خذنا لنا جوله فالمدينه …
و هذي الصور صورتها و نحن فالقطار من جنيف لين انترلاكن …
و وصلنا انترلاكن .. و هاي بعض الصور اللي صورتها ..
وطبعا اتمشينا فيها لييين فليل و اتعشينا و رجعنا الفندق ..
يتبعـ …
الله يسلمكن .. ثاني يوم رحنا قمة اوروبا .. و طبعا من الساعه 8:15 نحن فالمحطه صح كان زحمه .. بس الحمدلله وصلنا بعد ساعتيييييييين للقمه بحمدلله و سلامته ..
و هذي الصور صورتها من
Top of Europe
و اتغدينا في مطعم هندي هناك .. و الساعه 2 رجعنا ..
و على طول من وصلنا المحطه سرنا صوب الباخره .. و ركبنا فيها و طبعا هالباخره اتم 3 ساعات اتحوط في بحيرة برينز .. و توقف في القرى المطله على البحيره …
و هذي صور للبحيره .. الصراااااااااحه خبااااااااال.. كشخه بعييييييد عن الحشره و هدووووووووء للاعصااب ..
و الساعه 7 و نص خلصنا جولتنا فالبحيره .. و رجعنا الفندق صلينا و بعدين تمينا نتمشى في المدينه لييييييين الفليل و اتعشينا و رجعنا الفندق ..
يتبعـ …
هاليوم خليناه بس لـــ زيارة الشلالااااااااااات .. سرنا مكانين ..
الصبح سرنا شلال رخن باخ
Reichenbachfall
و بعدين رجعنا انترلاكن اتغدينا وسرنا شلالات تروميل باخ …
trummrlbach fallهالشلاااالااااااااات اتجــــــــــنن .. 10 شلالات اتصب في مكان واحد .. اول ما وصلنا ركبنا في نفس لفت وصلنا لين فوووووووق وين المكان اللي يصب منه الشلاال .. طبعا الشلال كان قويييييييييييييييييييييييي و بااااااااااااااااااااااااااااااااااااااااااااااااا اااااااااارد .. يالله والله يجننننننننننننننننن انا اتخبلت هناك من قوة الشلال اييج هوا بااااااااارد .. ما اقدر اوصف لكن الاجواء هناك .. بس للأسف التصوير ما كان ذاك الزود لأن الشلاال وااايد عوووووووووود و داخل اليبل يعني صعب اني اصوره لأن الصور كله تطلع امظلمه …. فأكثر شي صورت فيديو ..
هذي كم صوره شوي واضحات …
و بعدين نزلنا تحت .. و سرنا صوب مصب الشلال .. الماي طبعا باااااااااااارد اتخيلن درجة حرارته 2 تحت الصفر .. عاد انا سرت و فججت راسي شوي خخخخخ غطيت اريولي و لعبت فالماي شوي و شربت بعد خخخخخخ .. بس والله ما اروم احط ريولي اكثر من ثانيتين من برودة الماي احس بها اتثلج …
و بعدين رجعنا حق قريتنا الحلوه انترلاكن ..
يتبعـ …
هاليوم كان اخر يوم في انترلاكن .. و طبعا مستحيل انخلي اليوم يمر جي بدون ما انروح اي مكان غاوي ..
المهم رحنا ال بلاوسي ..
Blausee
هالمكان فيه بحيره و فيه وادي و وايد اشيااا .. بس المكان وااااااااااااايد غاااااااااااوي ..
جوفن الصور و احكمن …
و رحعنا انترلاكن و سوينا جيك اوت و طلعنا من الفندق و على طول عالمحطه ركبنا القطار لمطار جنيف .. و رجعنا لـ إسبانيا .. و كانت رحله روووووووعه و الحمدلله استانسنا فيها واااااااايد مع انها قصيره …
و اخيرا .. ادعوا لي .. الله يسر لي كل اموري و يسهل ولادتي اللي بتكون بعد اربع شهور ان شاء الله ..
و السمووووووووووووحه عالقصووووووووور …
تسلم ايدج على التصوير الحلووو
المشاركة الأصلية كتبت بواسطة أمووون 
تسلم ايدج على التصوير الحلووو
ردج الاروع غناتي .. يشرفني انج اول من رد على موضوعي …