شحالكم خواااتي ,,,
عساكم بخير.. اليوم حبيت اني أعطيكم فكرة عن الكافيه في دبي يمكن مب الكل يعرف عنه ..
لأني مثلكم.. ماكنت اعرف انه موجود و ان ممكن انحصل أشياء و أجواء حلوة في بلادنا تغنينا عن السفر برى البلاد..
خاصة في هالاجواء الحلوة من السنة ،،
الكافيه اسمه "تشيل-أوت" Chill out، موجود بسنتر صغير اسمه ((التايم سكوير)) مكانه في شارع الشيخ زايد بعد دبي مول ممكن انج تاخذين ريلج فيه و اتسوين له سبرايز حلو.. و اتغيرون جو..
هذي صورة للسنتر من الداخل ..
طبعا الحلو في الكافيهــ و الغريب انه مصنوع كله من الثلج..و استغرق صنعه تقريبا 40 الف طن من الثلج لبنائه..
الجدران ،، اليلسة الكراسي ،، الطاولة نفسها ،، بالاضافة إلى تماثيل كلها مصنوعه من الثلج و اكسسوارات مثل البراويز تضفي جو واااو على المكان
خاصة ان موفرين أضواء تتغير داخل المطعم اتحسين أحيانا انج بعرس هههههه ^_^!!
طبعا انا رحته جروب مع اخوي و زوجته و أنا و بعلولي ^_^!!
طريقة الدخول :
* الدخول بـ 60 درهم !! شامل مشروب واحد .. احنا طلبنا هوت جوكليت فن بصراحه..
* مب مسموح للأطفال الصغار الاقل من سنتين تقريبا الدخول ..!! لأنه برد..!!
* درجة الحرارة في المكان ماينس 6 !!! يعني صدق تتجمدين..
* يفضل اتخلين ريلج انه يلبس بنطلون لأن الحلوين اللي ويانا صدق اتجمدو بالكنادير لأن بالاساس
الرحلة صارت فجأة لوول و ماكانو حاسبين احساب البدل في الطلعه ^_^!!
* التصوير مسموح مب مشكله عطيتكم تصريح ^_^!!
يالله سمو بسم الله ،،
أول ماتدخلون طبعا يعطونكم جاكيتات على مقاسكم ، و جواتي و قفازات ، و كابات جنكم يالسين في الاسكيمو ،،
و الحين أخليكم مع الصور و الأجواء الحلوة بصراحه لازم اتزورونه..
و اعذروني لو في صور ردئية لأني نسيت أشل كاميرتي وياي و هاي صور التلفون..
و شي صور واضحه من النت حطيتها لكم في الموضوع ^_^!!
هذي صورة الكافيه من الداخل و الطاولات على اليسار و في الوسط..
و الاكسسوارات نازله من فوق ،، بصراحه اللي سواه مبدع و مبتكر..
هذي صورة الكراسي مع الطاولة بشكل قريب و استاند في وسط الطاولة فيه ورد و كله من الثلج..
هذا المنيــــــــــو بصراااحه مبتكر كشخهــــ !!!
طبعا لو طلبتي اشيا دافيه بحطونها لج في استيل عسب يمنعها تبرد بسرعهــ و الشغلات الثانيهـ بحطونها لج في هالاشياااا,,,,,,لاتعليق لوول ترى مب كلها ثلج شي منهم زجاج ،، لاتحاتوون شفايفكم مابتلصق بالكوب لان زجاج لوول ^_^!!
تماثيل لبرج العرب و برج خليفه و معالم دبي الفنتــك ^_^!!
تماثيل لأحصنة في الغالب و لبعض البشر ..
حركااااااااااااااااااااااااااااااااااااااااااااااا اااااااات ,, ههههه !!
و خلصت الرحلة..
اتمنى اتجربونها في الواقع ترى صج تستحق التجربة ^_^!!
اختكــــــم ،،
ميعاد الحمادي
تسلمييين
اول مرة اسمع عن هالكوفي بس احس اني بجمد اذا دشيت الكوفي . لكن ماشي مانع من التجربة
المشاركة الأصلية كتبت بواسطة Jimmy Choo 
المنيو من البلاستك ^_^!! بس شكلهــ جنه ثلج ,,
بس ابا اسألج لازم نحجز ولا عادي ؟؟